यस्ता थिए प्रधानमन्त्री अस्पताल जानु पहिले बसेको मन्त्रिपरिषद बैठकका निर्णय- समाचार - कान्तिपुर समाचार
कान्तिपुर वेबसाईट
AdvertisementAdvertisement

यस्ता थिए प्रधानमन्त्री अस्पताल जानु पहिले बसेको मन्त्रिपरिषद बैठकका निर्णय

कान्तिपुर संवाददाता

काठमाडौँ — प्रधानमन्त्री केपी शर्मा ओलीको बुधबार मिर्गौला प्रत्यारोपण भयो । उनी त्रिवि शिक्षण अस्पताल महाराजगन्जमा उपचाररत छन् । उनी सोमबार मिर्गौला प्रत्यारोपण गर्नका लागि अस्पताल भर्ना भएका थिए ।

प्रधानमन्त्री अस्पताल भर्ना हुनु पहिले आइतबार साँझ बालुवाटारमा मन्त्रिपरिषदको बैठक बसेको थियो । उक्त बैठकले चीनका लागि नेपाली राजदूतमा महेन्द्रबहादुर पाण्डेलाई पठाउने र भारतको कलकत्तास्थित नेपाली महावाणिज्यदूतमा ईश्वरराज पौडेललाई नियुक्त गर्ने निर्णय गरेको थियो ।

उक्त बैठकले चीनका लागि नेपाली राजदूत लिलामणि पौडेललाई १५ दिनभित्र स्वदेश फर्कन भन्दै फिर्ता बोलाएको थियो ।

सोही बैठकले नेपाल गुणस्तर साधारण पोर्टल्यान्ड सिमेन्ट, ४३ ग्रेड र ५३ ग्रेड विशिष्टिकरण अनिवार्य गर्ने सूचना जारी गर्ने निर्णय गरेको थियो ।

पढ्नुहोस्, मन्त्रिपरिषदका निर्णयको पूर्णपाठः

प्रकाशित : फाल्गुन २२, २०७६ १७:४८
प्रतिक्रिया
पठाउनुहोस्

भारतीय राजदूत क्‍वात्राले बुझाए ओहोदाको प्रमाण पत्र

उपराष्ट्रपति पुनसँग भेट
कान्तिपुर संवाददाता

काठमाडौँ — नेपालीका लागि नव नियुक्त भारतीय राजदूत विनय मोहन क्‍वात्राले बिहीबार राष्ट्रपति विद्यादेवी भण्डारीलाई ओहोदाको प्रमाण पत्र पेश गरेका छन् । त्यस लगतै राजदूत क्‍वात्राले उपराष्ट्रपति नन्दबहादुर पुनसँग औपचारिक भेट गरेका थिए । 

क्‍वात्रा जिम्मेवारी सम्हाल्न आइतबार काठमाडौं आइपुगेका हुन् । उनी यसअघि फ्रान्सका लागि भारतीय राजदूत थिए ।

आफ्नो तीन वर्षे कार्यकाल पूरा गरी राजदूत मञ्‍जिव सिंह पुरी डिसेम्बरमा घर फर्केपछि भारतले नयाँ राजदूतको रुपमा क्‍वात्रालाई पठाएको हो ।

३० वर्षदेखि विदेश सेवामा काम गरिरहेका क्‍वात्राले यसअघि पनि नेपालमा काम गरिसकेका छन् ।

उनले यस अघि सन् २००६ देखि २०१० सम्म काठमाडौंस्थित दक्षिण एसियाली क्षेत्रीय सहयोग संगठन (सार्क)मा काम गरेका थिए ।

प्रकाशित : फाल्गुन २२, २०७६ १७:१८
पूरा पढ्नुहोस्
प्रतिक्रिया
पठाउनुहोस्
x
×