शिवालयमा भक्तजनको भीड, डेढ लाख बढीले पशुपतिनाथको दर्शन गरिसके- समाचार - कान्तिपुर समाचार
कान्तिपुर वेबसाईट
AdvertisementAdvertisement

शिवालयमा भक्तजनको भीड, डेढ लाख बढीले पशुपतिनाथको दर्शन गरिसके

रासस

काठमाडौँ — महाशिवरात्रिका अवसरमा पशुपतिनाथ मन्दिरलगायत देशभरका शिवालयमा देवादीदेव महादेवको पूजा आराधना गर्ने भक्तजनको बिहानैदेखि भीड लागेको छ । बिहान ७ बजेसम्म डेढ लाख बढी भक्तजनले पशुपतिनाथ मन्दिरभित्र प्रवेश गरी पूजा आराधना एवं दर्शन गरिसकेका छन् ।

लाखौँभक्तजन पवित्र तीर्थस्थल पशुपति क्षेत्रमा लाम लागेर दर्शनको प्रतीक्षामा छन् । प्रत्येक वर्ष फागुन कृष्ण चतुर्दशीमध्यरातमा परेका दिन मनाइने महाशिवरात्रि पर्व आराध्यदेव भगवान् शिवको पूजाआराधना गरी आज देशभर मनाइन्छ । नेपालपञ्चाङ्ग निर्णायक समितिले दिएको जानकारीअनुसार शुक्रबार दिउँसो ५:४० बजेसम्म त्रयोदशी तिथि छ । त्यसपछिचतुर्दशी प्रारम्भ हुन्छ । चतुर्दशी तिथि शनिबार बेलुकी ६:३७ बजेसम्म छ ।

मध्यरातमा चतुर्दशी तिथिशुक्रबार परेकाले आजै महाशिवरात्रि पर्व मनाउने निर्णय समितिले गरेको हो । पर ब्रह्मले फागुन कृष्ण चतुर्दशीका दिनमध्यरातमा शिवरुप धारण गरेकाले मध्यरातमा चतुर्दशी तिथि परेकै दिन पूजा,आराधना,दर्शन गरे यसलोकमा सुख शान्ति र परलोकमा सद्गति प्राप्त हुने शास्त्रीय वचन रहेको समितिकाअध्यक्ष प्राध्यापक रामचन्द्र गौतम बताउँछन् ।

पूजा आराधना गर्दा महादेव छिट्टै प्रसन्नहुने भएकाले आशुतोषसमेत भनिन्छ । यसैले आज बिहानैदेखि वैदिक सनातन हिन्दूधर्मावलम्बी नदी, कुण्ड र तलाउमा स्नान गरी शिवालयमा गई श्रद्धाभक्तिपूर्वकपूजाआराधना गर्दछन् । शिवजी उत्पत्ति हभएको रातकानामबाट नामकरण भएको यो पर्व कालरात्रि, मोहरात्रि, सुखरात्रि र शिवरात्रि नामक चार प्रमुखरात्रिमध्ये एक पवित्र पर्वका रूपमा शिव पुराणलगायतका ग्रन्थमा उल्लेखित छ । फागुन कृष्ण चतुर्दशीका दिन मनाइने यसपर्वलाई दिनदुःखी र कष्टपूर्ण अवस्थामा रहेका प्राणीको हृदयमा धर्मको उदय गराउनेआशुतोष भगवान् शिवको अति प्यारो दिनका रूपमा पनि लिइन्छ ।

पशुपतिका चार ढोका तीन बजे नै खुल्यो

पशुपति क्षेत्रमा मेला भर्न आएका भक्तजनकोसुविधाका लागि आज बिहान ३ बजेदेखि नै पशुपतिका चार ढोका खुला गरिएको पशुपतिक्षेत्र विकास कोषका सदस्य सचिव प्रदीप ढकालले जानकारी दिए। पशुपतिमा दर्शनका लागि बाहिरी क्षेत्रबाट प्रवेश गर्ने पाँच वटा मूल लाइनकोव्यवस्था गरिएको कोषले जनाएको छ । भित्र प्रवेश गरेपछि भने १० वटासम्म लाइनकोव्यवस्था गरी दर्शनार्थी प्रवेश गरेको आधा घण्टामा फर्कने गरी बिहानको व्यवस्थापनगरिएको उनले बताए ।

मित्रपार्क तथा गौरीघाट भएर उमाकुण्डदक्षिणामूर्ति हुँदै रूद्रगाडेश्वर उत्तरढोका,जयवागेश्वरीईटापाखा भएर भुवनेश्वरीस्थित फलामको सानोढोका हुँदै पश्चिम ढोका, बत्तीसपुतलीगौशाला तथा एअरपोर्टतिलगङ्गा भएर पिङ्गलास्थानसुमार्गी भवन हुँदै चार शिवालयपञ्चदेवल दक्षिण ढोकाबाट एक/एक लाम गरी बाहिरी रुपमा दर्शन गर्नेव्यवस्था मिलाइएको सदस्य सचिव ढकालले जानकारी दिए । यसैगरी तिलगङ्गा राममन्दिरतर्फ समेत आवश्यकताअनुसारएक लामको व्यवस्था गर्न सकिने गरी व्यवस्थापन मिलाउन लागिएको उनले बताए । नित्यदर्शनार्थीका लागि बिहान ७ बजे अगावै भुवनेश्वरीस्थित फलामको सानो ढोकाबाटप्रवेशको व्यवस्था मिलाइएको थियो । जुन दर्शनमार्गबाट मन्दिर प्राङ्गण प्रवेशगरिन्छ सोहीमार्ग हुँदै मन्दिर प्राङगणबाट बाहिरिने व्यवस्था मिलाइएको छ । दर्शन गर्न आउने दर्शनार्थीको सवारीपार्किङका लागि सिफल, तिलगङ्गा, गुह्येश्वरी पारि,कोषको कार्यालय,वनकालीलगायतस्थानमा व्यवस्था मिलाइएको छ ।

आज पशुपतिनाथसँगै उपत्यकाका गोकर्णेश्‍वर,डोलेश्‍वरलगायतशिव मन्दिरमा पनि भक्तजनको भीड लागेको छ । यसैगरी राजधानी बाहिरका शिव मन्दिरमा पनिधुमधामका साथ पूजा आराधना एवं दर्शन गर्ने भक्तजनको घुइँचो लागेको छ ।महाशिवरात्रिका दिनमात्र यस वर्ष १० लाखभन्दा बढी दर्शनार्थीले पशुपति दर्शन गर्न सक्ने गरी व्यवस्थापनगरिएको छ ।

महाशिवरात्रिमा पशुपति क्षेत्रमा भक्तजनको भीड लाग्ने भएपछि तीनवटै सुरक्षानिकायका गरी छ हजार सुरक्षाकर्मी परिचालन गरिएको छ । यसैगरी पाँच हजार स्वयंसेवकपनि पशुपति क्षेत्रमा परिचालन गरिएको कोषले जनाएको छ । दुई वर्ष अघिदेखि नै पशुपतिमा गाँजा,भाङ,धतुरोलगायत लागुपदार्थनिषेध गरिएको थियो । यस वर्ष पनि त्यसलाई निरन्तरता दिइएको छ ।

यस वर्षको महाशिवरात्रिमा मन्दिर परिसरसाजसजावटमा विशेष ध्यान दिइएको छ । नेपाललगायत विदेशबाट समेत फूलमाला ल्याएरमन्दिर सजावट गरिएको छ । यसपटक नेपाल भ्रमण वर्षको अवसर समेत परेकाले पशुपतिक्षेत्रलाई विशेष रुपमा सिँगारिएको छ । लाखौँ भक्तजनलाई पशुपति क्षेत्रको भ्रमणगराउने उद्देश्यले संस्कृति, पर्यटन तथा नागरिक उड्ययन मन्त्री योगेशकुमारभट्टराईको संयोजकत्वमा १११ सदस्यीय मूल समारोह समिति गठन गरिएको छ ।

मूल समारोह समितिअन्तर्गत ११ उपसमिति पनि गठनगरिएको कोषका कार्यकारी निर्देशक घनश्याम खतिवडाले जानकारी दिए । ११ वटै उपसमितिकोसक्रियतामा आज रातभर पनि भक्तजनले पशुपतिनाथको पूजा आराधना एवं दर्शन गर्न सक्नेगरी व्यवस्थापन मिलाइएको छ ।

प्रकाशित : फाल्गुन ९, २०७६ ०९:२०
प्रतिक्रिया
पठाउनुहोस्

आईसीपीमा थन्किए सवारीसाधन

ग्राहकले बुकिङ गरेपछि मात्र लैजाने हुँदा आयातकर्ताले गोदाम भाडामा लिनु पर्दैन
शंकर आचार्य

(पर्सा) — आयातकर्ताले लामो समयदेखि जाँचपास गरी नलग्दा वीरगन्जस्थित एकीकृत सुरक्षा जाँच चौकी (आईसीपी) परिसरमा सवारीसाधन थन्किएका छन् । आईसीपी सञ्चालक इन्टरमोडल यातायात विकास समितिको तथ्यांकअनुसार चौकी परिसरमा अहिले २ सय ५८ थान सवारीसाधन थन्किएका छन् । झण्डै यति नै संख्यामा सवारीसाधन वीरगन्ज भन्सार कार्यालयको यार्डमा पनि थन्किएका छन् । 

आईसीपीमा थन्किएका सवारीमध्ये २९ वटा कार छन् । अधिकांश कार इसिजु, हुन्डाई र टोयोटा कम्पनीका हुन् । यी कार भारत र तेस्रो मुलुकबाट आयात भएका हुन् । इसिजुको आयातकर्ता कन्टिनेन्टल ट्रेडिङ, हुन्डाईको लक्ष्मी क्लियरिङ र युनाइटेड ट्रेड लिंक तथा टोयोटाको आयातकर्ता युनाइटेड ट्रेड लिंकले कार लगेका छैनन् ।

समितिले चौकी परिसरमा पार्किङ गरिने कारको प्रवेश शुल्क १ सय ७ रुपैयाँ लिँदै आएको छ । सातासम्म पार्किङ शुल्क (भ्याट बाहेक) ३ सय २१ रुपैयाँ र ८ दिनपश्चात् दैनिक ४ सय २८ रुपैयाँ ३४ पैसा लिने गरेको समितिले जनाएको छ । चौकीमा थन्किएका २० दिनमाथिका कारबाट ९७ हजार र ३ सय २८ दिनमाथिका कारबाट १ लाख ५८ हजार रुपैयाँ पार्किङ शुल्क असुल्न बाँकी छ । यो नाकाबाट आयात हुने कारको प्रमुख बजार काठमाडौं हो । त्यहाँ ग्राहकले कार बुकिङ गरेपछि मात्र आयातकर्ताले कार जाँचपास गराई छुटाउने गरेका छन् । यसो गर्दा राजधानीमा गोदाम भाडामा लिई कार राख्नु पर्दैन । पछिल्लो केही समययता वाणिज्य बैंकहरूले अटोलोनमा कडाइ गरेपछि कारको खरिदबिक्री घटेकाले पनि आयातकर्ताहरूले कार लगेका छैनन् । समिति वीरगन्ज कार्यालय प्रमुख हेमेन्द्र मोहन शाहीले नियमअनुसार आयातकर्ताले ६० दिनसम्म यस्ता सवारीसाधन लैजानुपर्ने बताए । सो अवधिमा नलगे भन्सार कार्यालयले लिलामी गर्न सक्छ । ‘हामीले यस्ता सवारीसाधनको सूची पटकपटक वीरगन्ज भन्सार कार्यालयलाई दिएका छौं,’ उनले भने, ‘लिलामी गर्ने विषय भन्सार कार्यालयको तजबिजिमा निर्भर हुन्छ ।’

वीरगन्ज भन्सारका सूचना अधिकृत विमल साहले कार जाँचपासबारे आफूले पनि बुझ्नुपर्ने बताए । ‘कतिपय कार जाँचपास प्रक्रियामा पनि हुन्छन्,’ उनले भने, ‘त्यस्ताको हकमा आवश्यक छानबिन गरेर मात्र बाँकी लामो समयसम्म राखेकाहरूको लिलाम गर्नुपर्ने हुन्छ ।’

प्रकाशित : फाल्गुन ९, २०७६ ०९:१६
पूरा पढ्नुहोस्
प्रतिक्रिया
पठाउनुहोस्
×