बेलायती सेनाध्यक्ष नेपालको भ्रमणमा- समाचार - कान्तिपुर समाचार

बेलायती सेनाध्यक्ष नेपालको भ्रमणमा

कान्तिपुर संवाददाता

काठमाडौँ — बेलायतको सेनाध्यक्ष चिफ अफ जनरल स्टाफ मार्क कार्लटोन स्मिथ शनिबार नेपालको एक साता लामाे औपचारिक भ्रमणको क्रममा काठमाडौं आइपुगेका छन् । उनलाई त्रिभुवन विमानस्थलमा बलाधिकृत रथी शरद कुमार गिरीले स्वागत गरे ।

सात दिने भ्रमणको क्रममा स्मिथले राष्ट्रपति विद्यादेवी भण्डारी र प्रधानसेेेेेेेनापति महारथी पूर्णचन्द्र थापासँग भेट्ने कार्यक्रम रहेको छ । भ्रमणको दौरान उनी पोखरा र पाँचखालका सेनाका तालिम केन्द्रमा जानेछन् ।


प्रकाशित : फाल्गुन ३, २०७६ २०:४०
प्रतिक्रिया
पठाउनुहोस्

वानस्पतिक विविधता सम्बन्धीको पुस्तक सार्वजनिक

कान्तिपुर संवाददाता

काठमाडौँ — नेपालको वानस्पतिक विविधतालाई समावेश गरिएको वैज्ञानिक पुस्तक सार्वजनिक गरिएको छ । २८० पृष्ठको उक्त पुस्तक नेपाल वनस्पति समाजले तयार गरेको हो । पुस्तकमा नेपालमा पाइने वनस्पतिहरुको विविधता सम्बन्धी उल्लेख गरिएकाे छ । 


पुस्तकमा नेपालमा पाइने वनस्पतिको समूहको अवस्था, वर्गीकरणको पद्धति, नेवार संस्कृति र वनस्पति, वनस्पतिको संरक्षणमा कानुनी प्रावधानहरु, आनुवंशिकताको अध्ययनमा विधिताको प्रभाव, पुष्प व्यवसायको वैज्ञानिक पद्धति र भविष्य, जैविक प्रविधिको वनस्पति संरक्षणमा प्रयोग, कृषिजन्य र जंगली वनस्पतिमा जलवायुको प्रभावका लागायतका विषयहरु पुस्तकमा समावेश छन् ।

पुस्तकमा लेउदेखि फूलफूल्ने बिरुवाहरुको वर्तमान अवस्था, बासस्थान जस्ता महत्वपूर्ण जानकारी समेटिएको छ । लेउ समूह, झ्याउ समूह, च्याऊ समूह, उन्यू समूहदेखि नेपालमा फूल फूल्ने वनस्पतिहरुको विस्तृत तथ्यांकहरु समावेश छन् ।

प्राध्यापक/इमिरेट्स प्रमोदकुमार झा, प्रा मोहन शिवाकोटी, प्रा संगिता राजभण्डारी र सञ्जिव कुमार राईले सम्पादन गरेको यो पुस्तक नेपालका वनस्पतिविद् एवं वनस्पतिमा रुचि राख्नेहरुका लागि बहुउपयोगी हुने वनस्पतिका समाज नेपालका सदस्य समेत रहको त्रिवि केन्द्रीय वनस्पति विभागका उपप्राध्यापक नारायणप्रसाद घिमिरेले बताए ।

पुस्तकमा नेपालका सम्पूर्ण वनस्पतिहरुको समूहको बारेमा महत्वपूर्ण तथ्यांक पनि समावेश छ । पुस्तक नेपालका वनस्पतिविद्हरुको संयुक्त प्रयासमा तयार पारिएको हो ।

प्रकाशित : फाल्गुन ३, २०७६ २०:३७
पूरा पढ्नुहोस्
प्रतिक्रिया
पठाउनुहोस्
×