बंगलादेशी सेना प्रमुखसँग रक्षामन्त्रीको भेट

रक्षा मन्त्रालयको कार्यकक्ष सिंहदरबारमा भएको भेटमा पोखरेलले जनरल अहमदको टोलीलाई स्वागत गर्दै नेपाल र बंगलादेशबीच अत्यन्त घनिष्ठ र मैत्रीपूर्ण सम्बन्ध रहेको बताएका थिए ।

उनले त्यस अवसरमा सन् १९७२ मा कूटनीतिक सम्बन्ध स्थापना भएयता दुई देशबीचको सम्बन्ध सरकारीस्तरमा मात्र नभएर जनस्तरसम्म विस्तार भएको जनाए ।

रक्षा मन्त्रालयद्वारा जारी विज्ञप्तिअनुसार जनरल अहमदले बंगलादेशको स्वतन्त्रतालाई समर्थन गर्ने नेपाल सातौं राष्ट्र रहेको स्मरण गरेका थिए । आइतबारै अजिजले प्रधान सेनापति पूर्णचन्द्र थापासँग पनि भेटेका छन् ।