कान्तिपुर कन्क्लेभको दोस्रो संस्करण सुरु- समाचार - कान्तिपुर समाचार
कान्तिपुर वेबसाईट
AdvertisementAdvertisement

कान्तिपुर कन्क्लेभको दोस्रो संस्करण सुरु

कान्तिपुर संवाददाता

काठमाडौँ — कान्तिपुर कन्क्लेभको दोस्रो संस्करण शुक्रबारदेखि सुरु भएको छ । काठमाडौंको होटल हयातमा सुरु भएको दोस्रो संस्करण दुई दिनसम्म शुक्रबार र शनिबार गरेर दुई दिन हुने छ ।

कन्क्लेभको दोस्रो संस्करणको पहिलो दिन प्रधानमन्त्री केपी शर्मा ओलीसहित चारजना वक्ताले विद्वत प्रवचन दिने छन् ।


यस्तै पहिलो दिनको एकमात्र सत्र 'लेसन्स फ्रम द इस्ट'मा निक्केई एसियन रिभ्यूका सम्पादक ग्वेन रोबिन्सन, एसियाली विकास बैंककी निता पोखरेल र आईसीसीपी अध्यक्ष तथा कार्यकारी प्रमुख भ्यालेन्टिनो एस बगतसिंहले यूरोपियन यूनियनपछि सबैभन्दा धेरै जोडिएको दक्षिण पूर्वी एसियाका बारेमा बहस हुने छ । यस सत्रको सहजकर्ता बिड म्यानेजमेन्टका संस्थापक तथा प्रमुख कार्यकारी सुजीव शाक्य रहने छन् ।


दोस्रो दिन शनिबार पठाओका संस्थापक तथा प्रमुख कार्यकारी हुसेन एम इलिएसको विद्वत प्रवचन हुने छ भने विभिन्न विषयमा ८ वटा सत्र हुने छ । कन्क्लेभको अन्तिम सत्रमा नेकपाका अध्यक्ष पुष्पकमल दाहालसँग कान्तिपुर दैनिकका प्रधान सम्पादक सुधीर शर्माले विविध राजनीतिक विषयमा छलफल गर्ने छन् ।

प्रकाशित : माघ २४, २०७६ १५:०५
प्रतिक्रिया
पठाउनुहोस्

भारतीय नागरिक सुवान शेखको हत्या आरोपमा दुई पक्राउ

अर्जुन राजवंशी

बिर्तामोड — भारतीय नागरिक सुवान शेखको हत्यामा संलग्‍न रहेको आरोपमा प्रहरीले दुई युवकलाई नियन्त्रणमा लिएको छ । चार दिनअघि हत्या गरी जलाएको अवस्थामा ४० वर्षीय शेखको शव बिर्तामोड–२ चारपानेस्थित खेतबारीमा फेला परेको थियो ।

हत्यामा संलग्न रहेको आरोपमा चारपाने निवासी १८ वर्षीय लक्ष्मण यादव र २० वर्षीय करन चौधरीलाई पक्राउ गरी प्रहरीले शुक्रबार सार्वजनिक गरेको छ । जिल्ला प्रहरी प्रमुख एसपी कृष्णप्रसाद कोइरालाका अनुसार यादव र चौधरीले गत सोमबार राति १० बजे शेखको हत्या गरेको स्वीकार गरेका छन् ।

युवकद्वयले सामान्य विवादका क्रममा ढुंगाले टाउकोमा प्रहार गर्दा शेखको मृत्यु भएको एसपी कोइरालाले बताए । सोमबार साँझ चारपानेस्थित एक होटलमा तीन जनाले मादक पदार्थ सेवन गरेका थिए । सो क्रममा मृतक शेखको यादव र चौधरीसंग विवाद भएको थियो । शेखले हातपात गर्दै करनलाई आमाको नाम लिएर अपाच्य गाली गरेका थिए ।

आमाको नाम जोडेर अश्लिल गाली गरेपछि नजिकै रहेको ढुंगा उचालेर टाउकोमा प्रहार गर्दा शेख अचेत भएर ढलेका थिए । रगताम्य अवस्थाका शेखलाई यादव र चौधरीले घिसार्दै घटनास्थलभन्दा करिब दुई सय ५० मिटर पूर्व मकै खेतमा लगेका थिए । खेतमा उनीहरुले चक्कु प्रयोग गरी शेखको गुप्तांग काटेर फालेको एसपी कोइरालाले बताए । त्यसपछि उनीहरुले नजिकै रहेको परालको कुन्युमा लगेर शेखको शव जलाएको एसपी कोइरालाको भनाइ छ ।

भारतको अररिया जिल्ला ४९ हसन मोहल्ला घर भइ १० वर्षयता शेख चारपाने एरियामा बस्दै आएका थिए । सामान्य मजदुरी गर्दै आएका शेखको हत्यामा संलग्न रहेको भनिएका यादव र चौधरीलाई बिहीबार दिउँसो ३ बजेतिर चारपाने क्षेत्रबाटै प्रहरीले नियन्त्रणमा लिएको थियो ।

यो पनि पढ्नुहोस्ः

प्रकाशित : माघ २४, २०७६ १५:०३
पूरा पढ्नुहोस्
प्रतिक्रिया
पठाउनुहोस्
×