पत्रकारिता विकासका लागि अनुसन्धानात्मक पाठ्यक्रम अनिवार्य : अर्थमन्‍त्री  

कान्तिपुर संवाददाता

काठमाडौँ — अर्थमन्त्री युवराज खतिवडाले नैतिक र सामाजिक मूल्य मान्यतामा आधारित पत्रकारिताका लागि अनुसन्धानात्मक पाठ्यक्रमको विकास गर्नुपर्ने बताएका छन् । 

ZenTravel

त्रिभुवन विश्व विद्यालय पत्रकारिता तथा आमसञ्चार केन्द्रीय विभागको भवन शिलान्यास समारोहलाई सम्बोधन गर्दै अर्थमन्त्री खतिवडाले सामाजिक जिम्मेवारीसहितको पत्रकारिता विकासका लागि अनुसन्धानात्मक पाठ्यक्रम विकास अनिवार्य रहेको बताएका हुन् । उनले विभागको नयाँ भवन निर्माणपछि विश्वविद्यालयले अनुसन्धानका कार्यहरुलाई अगाडि बढाउने विश्वाससमेत गरे । उनले सबै शैक्षिक प्रतिष्ठानहरुलाई पनि पत्रकारिताको अध्ययन, अध्यापन र अनुसन्धान गराउने केन्द्रको रुपमा विकास गर्दै जानुपर्नेमा जोड दिए ।

अर्थमन्त्री खतिवडाले आर्थिक, सामाजिक र सांस्कृतिक रुपान्तरणमा सञ्चार क्षेत्रको पहिलो भूमिका रहने बताए । त्यसका लागि सरकारले आम सञ्चारका पूर्वाधारहरुको विकासमा ध्यान दिएको उनको भनाइ थियो ।

प्रकाशित : माघ २२, २०७६ १३:०२
प्रतिक्रिया
पठाउनुहोस्
ADVERTISEMENT
ADVERTISEMENT

नारायणहिटीमा होटल बन्दैन : मन्‍त्री भट्टराई

जयसिंह महरा

काठमाडौँ — संस्कृति, पर्यटन तथा नागरिक उड्‍डयनमन्त्री योगेशकुमार भट्टराईले नारायणहिटी दरबार संग्रहालयमा कुनै होटल नबन्ने बताएका छन् ।

प्रतिनिधिसभाको अन्तर्राष्ट्रिय सम्बन्ध समितिको बुधबारको बैठकमा नारायणहिटी संग्रहालयलाई होटल बनाउने कुरा सुनिएको भन्ने पूर्वप्रधानमन्त्री माधवकुमार नेपालको जिज्ञासामा त्यहाँ कुनै होटल नबन्ने भट्टराईले स्पष्ट पारेका हुन्। उनले भने, 'नारायणहिटी दरबारमा कुनै होटल बन्दैनन्। कफीसपसम्म हुन सक्छ। त्यसलाई होटल भन्‍न नमिल्ला। नारायणहिटी संग्रहालय सोही मान्यताअनुसार चल्छ।'

नारायणहिटीमा होटल वा रिसोर्ट केही नबन्ने भट्टराईको भनाइ थियो। उनले पत्रकारहरूले गलत समाचार लेखेर त्यस्तो चर्चा गलेको सुनाए। उनले भने, 'कहिलेकाहीँ पत्रकारहरूले गलत सुइँको पाएर लेख्नुहुन्छ तर त्यस्तो होइन।'

सम्बन्धित समाचार

कोरोना भाइरसको प्रभाव नेपाल भ्रमण वर्षमा, चिनियाँ पर्यटकको विकल्प खोजिँदै

प्रकाशित : माघ २२, २०७६ १३:००
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×