बलात्कारको आरोपमा फरार रहेका एक जना विमानस्थलबाट पक्राउ

जेठ १४ गते गजुरीको बस्नेतगाउँमा बाटो खन्ने क्रममा एक्साभेटर चालकसमेत रहेका हेमनले स्थानीय १६ वर्षीया युवतीलाई जबर्जस्ती करणी गरेका थिए । ढोका फोरेर कोठामा प्रवेश गरी युवतीलाई जबर्जस्ती गरेको सीआईबीका प्रवक्ता वेलबहादुर पाण्डेले जानकारी दिए ।

घटनापछि हेमन केही समय भारतका विभिन्न ठाउँमा लुकेर बसेको र बुधबार वैदेशिक रोजगारीको सिलसिलामा कुवेत जान लागेको पाण्डेले जानकारी दिए । नियन्त्रणपछि उनलाई आवश्यक कानुनी कारबाहीका लागि जिल्ला प्रहरी कार्यालय धादिङ पठाइएको छ ।