चन्द कार्यकर्ता पक्रँदा गोली लागेर प्रहरी घाइते

मंगलबार दिउँसो मधुवन नगरपालिका–४ महुवास्थित बबई नहरमा भएको घटनामा इलाका प्रहरी कार्यालय ढोढरीका प्रहरी जवान गंगाराम चौधरी घाइते भएका हुन् । दायाँ तिघ्रामा गोली लागेका चौधरीलाई उपचारका लागि नेपालगन्ज लगिएको एसपी राजेशनाथ बाँस्तोलाले बताए ।

यसक्रममा जनप्रतिनिधि परिषद्का जिल्ला अध्यक्ष मधुवन–८ दुर्गापुरका ६६ वर्षीय जयबहादुर ठाडामगर र जिल्ला सदस्य बढैयाताल गाउँपालिका–४ का ५० वर्षीय रोहितकुमार सुनार पक्राउ परेका छन् । अन्य दुई जना फरार भएको एसपी बाँस्तोलाले बताए ।