माघमा पनि डेंगु- समाचार - कान्तिपुर समाचार
कान्तिपुर वेबसाईट
AdvertisementAdvertisement

माघमा पनि डेंगु

कान्तिपुर संवाददाता

म्याग्दी — हिमाली जिल्ला म्याग्दीमा डेंगुको बिरामी भेटिएको छ । उच्च ज्वरोबाट ग्रस्त भएर जिल्ला अस्पताल भर्ना भएकी बेनी–७ की ४५ वर्षीया बिरामीको रगत परीक्षण गर्दा डेंगु संक्रमण पाइएको हो । उनी यही माघ २ मा अस्पताल आएकी थिइन् ।

‘गर्मी सिजनको अघिपछि मात्र देखिने डेंगु माघको अधिक चिसो र सुक्खा समयमा फेला परेपछि हामी चिन्तित छौं,’ बेनी अस्पतालका ल्याब टेक्नोलोजिस्ट संजोग तिमिल्सिनाले भने, ‘बेनीमा गाडीका टायरको असुरक्षित व्यवस्थापन डेंगुको मुख्य चुनौती हो ।’ बेनी अस्पतालको अभिलेखअनुसार भदौयता मात्र १४ जनामा डेंगु संक्रमण फेला परेको छ । संक्रमित सबै बेनी नगर क्षेत्रका छन् ।

प्रकाशित : माघ १०, २०७६ २१:५५
प्रतिक्रिया
पठाउनुहोस्

गोली प्रहारबाट जर्मनीमा ६ को मृत्यु

एजेन्सी

काठमाडौँ — जर्मनीको दक्षिण–पश्चिमी सहर रोट आम सीमा शुक्रबार एक बन्दुकधारीले अन्धाधुन्ध प्रहार गरेको गोली लागेर ६ जनाको मृत्यु भएको छ ।

गोली प्रहारबाट कैयौं घाइते भएको जर्मन प्रहरीले बताएको छ । स्थानीय समयअनुसार सहरको रेल स्टेसननजिकै शुक्रबार १२ बजेर ४५ मिनेटमा बन्दुकधारीले अन्धाधुन्ध गोली प्रहार गरेको थियो । घटनालगत्तै प्रहरीले शंकास्पद बन्दुकधारीलाई पक्राउ गरेको थियो । प्रहरीका अनुसार यस घटनामा एकजनाको मात्रै संलग्नता देखिन्छ ।

‘मेरो जानकारीमा भएसम्म गोली लागेर ६ जनाको मृत्यु भएको छर कैयौं घाइते भएका छन्,’ आलेनका प्रहरी प्रवक्ता रुडल्फ बेहाल्मरले जर्मन प्रसारण संस्था एन–टीभीसँग बताए ।

‘एकजना मात्रै आक्रमणकारी रहेको हामीले प्रारम्भिक अनुसन्धानबाट पत्ता लगाएका छौं,’ उनले भने । उनका अनुसार आक्रमणकारी जर्मन नागरिक नै भएको र हताहत भएका केहीसँग उसको व्यक्तिगत परिचय रहेको खुलेको छ ।

पीडितमध्ये केही एकै परिवारको रहेको अनुसन्धानबाट पत्ता लागेको प्रहरीको भनाइ छ । घटनास्थल म्युनिख सहरबाट १ सय ७० किलोमिटर उत्तर–पश्चिममा पर्ने अधिकारीहरुले बताएका छन् ।

प्रकाशित : माघ १०, २०७६ २१:४६
पूरा पढ्नुहोस्
प्रतिक्रिया
पठाउनुहोस्
×