उम्मेदवारी दिएपछि सापकोटाले भने- 'स‌ंसदको गरिमा उच्च बनाइराख्न भगीरथ प्रयत्न गर्छु'

उनले भने, ‘जननिर्वाचित सार्वभौम संस्थाको ओज, गरिमा र मूल्यमान्यता उच्च बनाइराख्न भगीरथ प्रयत्न गर्नेछु ।’ सापकोटाले नेकपा संसदीय दलका उपनेता सुवासचन्द्र नेम्वाङको प्रस्ताव र सांसद देव गुरुङ, ओनसरी घर्तीमगर र राजपा सांसद लक्ष्मणलाल कर्णको समर्थनमा उम्मेदवारी दिएका हुन् ।

प्रतिनिधिसभाको रिक्त सभामुख पदका लागि यही माघ १२ गते निर्वाचन हुँदैछ । निर्वाचनका लागि संसद्‌ सचिवालयले आज (मंगलबार) २ बजेसम्म मनोनयन दर्ताको समय निर्धारण गरेको छ । सापकोटालाई आइतबार बसेको सत्तारुढ नेकपाकाे सचिवालय बैठकले सभामुखमा उम्मेदवार बनाउने निर्णय गरेको थियो । उनी सिन्धुपाल्चोक १ बाट प्रतिनिधिसभा सदस्यमा निर्वाचित भएका थिए ।

भिडियो