हराएको ३ वर्षपछि चन्दननाथ मन्दिरको मुख्य मूर्ति फेला
जुम्ला — खलङ्गा बजारस्थित चन्दननाथ मन्दिरबाट तीन वर्षअधि हराएकाे दत्तात्रेयको १८ किलाेकाे चाँदीको मूर्ति जुम्ला चन्दननाथ नगरपालि–१ दानसाँगुमा भेटिएकाे छ।
बिहान साढे नाै बजे तलिचाैरका उमेश देवकोटा, लाेकेन्द्र हामाल र लाेकदर्शन देवकोटा जाैकाे खेतमा पानी हाल्न गएका थिए। उनीहरुले ठूलाे मूर्ति देखेपछि स्थानीय अगुवा दयादत्त हमाललाई खबर गरे। उनले चन्दननाथकाे मूर्ति हुनसक्ने भन्दै प्रहरी लगायत सराेकारवालालाई खबर गरेपछि चन्दननाथ मन्दिरकाे मूर्ति भएकाे खुलेकाे हाे।
चोरी भएको तीन वर्षसम्म पनि नभेटिएकाे मूल मूर्ति साेमबार दानसाँगुमा भेटिएकाे डिएसपी लाल बहादुर धामीले बताए।
प्रतिक्रिया