कनकासुन्दरी ५, पाण्डवगुफाका ८४ वर्षीय लक्ष्मीरुद्र काफ्ले दैनिक खलंगास्थित ज्येष्ठ नागरिक दिवा सेवा केन्द्रमा जान्छन् । बिहानदेखि साँझ अबेरसम्मै केन्द्रमा रहने उनी दिनभर पुस्तक तथा पत्रपत्रिका पढ्छन्, नाचगान गर्छन् र रमाउँछन् । चन्दननाथ नगरपालिका २, भण्डारीबाडाका ८० वर्षीय भूतपूर्व सैनिक मनसुर भण्डारी पनि दैनिक केन्द्रमा जान्छन् र आफ्ना अनुभव साटासाट गर्छन् ।
कर्णाली स्वास्थ्य विज्ञान प्रतिष्ठान, शिक्षण अस्पताल जुम्लामा अमेरिकाको अरिगन स्टेडको राजवाक अस्पतालका विशेषज्ञ चिकित्सक हाडजोर्नी प्रत्यारोपण सेवा दिन आएका छन् । घुँडाको जोर्नी, हातको जोर्नी, घुँडा, हिप, मेरुदण्डमा नसा च्यापिएको, कुम फुस्किएकोलगायत जोर्नी प्रत्यारोपण गर्न डा. माइकल डेभिड भ्यान एन्ड्रोयड शिक्षण अस्पताल पुगेका हुन् ।
प्रदेशको हिमाली सहर खलंगामा महिनादेखि फोहोर नउठ्दा दुर्गन्ध फैलिएको छ । चन्दननाथ नगरपालिकामा बढ्दो जनसंख्या र सहरीकरणले फोहोरमैला व्यवस्थापन हुन नसक्दा दुर्गन्ध फैलिएको हो । नगरक्षेत्रको फोहोर व्यवस्थापन गर्नको लागि अझै डम्पिङ साइट निर्माण नगरिएकाले पनि समस्या छ ।
चन्दननाथ नगरपालिकास्थित सिंगापुर गाउँ माथिको डुडुल चैत्यमा पर्यटकको भीड बढ्दै गएको छ । रारा घुम्न आएका अधिकांश आन्तरिक पर्यटक गुम्बा पुग्न थालेपछि चैत्य पर्यटकीय गन्तव्य बन्न थालेको हो ।
दुई भाइ र एक बहिनीको जेठो दाजु वीरबहादुर । सानैदेखि ऊ परिवारको विभिन्न विभेदमा परिरहेको हुन्छ । बहिनी माइती आएको समयमा उनलाई छोड्न वीरबहादुर र उसको भाइ आधा बाटोसम्म जान्छन् । बहिनी पम्फाका गहनाको लोभमा परेको दाजु वीरबहादुरले उनलाई डुबाएर हत्या गर्छ । त्यही घटनामा असहमत भएको भाइ भने बाटोबाटै बिदेसिन्छ । वीरबहादुर बहिनीको गहना बोकेर घर फिर्छ । घरमा कलह बढ्दै गएपछि आमाबाबुले समेत गाउँ छोड्छन् । अन्तिममा एक्लो भएको वीरबहादुरले बहिनीलाई डुबाएर हत्या गरेको स्थानमै गएर डुबेर आत्महत्या गर्छ ।
चन्दननाथ–५, खलंगाका कवि बैरागी बाबु देशका चर्चित साहित्यकारकै अगाडि आफ्नो कविता ‘रेडियो बैरागी’ वाचन गर्न पाउँदा मख्ख देखिन्थे । उनी मात्र होइन, जुम्लाका अधिकांश लेखक/साहित्यकार प्रख्यात साहित्यकारकै अघि आफ्ना सिर्जना प्रस्तुत गर्न पाउँदा दंगिए ।
दु:ख धेरै गर्नुपर्ने, उत्पादन भने कम हुने । यही कारण चन्दननाथ–१० बारकोटेबाडाका धनबहादुर खत्रीले तीन वर्षअघि मार्सी धान लगाउन छाडेका थिए । अहिले भने उनको मन मार्सीतिर फर्किएको छ । व्यापारीहरू मार्सी चामल खोज्दै गाउँमै पुग्न थालेपछि पुन: रोप्न सुरु गरेको उनले बताए ।
गुठीचौर गाउँपालिका-३ का १४ वर्षे ईश्वर बुढा अन्तर्राष्ट्रिय तेक्वान्दो प्रतियोगितामा भाग लिन कात्तिक १ मा थाइल्याण्ड जाने अन्तिम तयारीमा थिए । उनले त्यसका लागि आवश्यक अभ्याससमेत गरिरहेकै थिए । तर प्रशिक्षण लिएर घर फर्कने क्रममा भालुले आक्रमण परेपछि उनको थाइल्यान्ड जाने सपना अधुरै बनेको छ ।
जुम्ला गुठीचौर गाउँपालिका ४ झारज्वालामा भालुको आक्रमणबाट ३ जना घाइते भएका छन् । जंगली भालु छिरेरे स्थानीय खगेन्द्र अधिकारी लगायत ३ जनालाई बिहीबार घाइते बनाएको हो ।
