गौतम बुद्ध विमानस्थलको ‘रनवे लाईट’ बिग्रिएपछि उडान रद्द

‘पुरानो संरचनागत बत्ती भएकाले समस्या आयो ।,’ विमानस्थलका प्रमुख तथा निर्देशक टेकराज पोख्रेलले भने, ‘मौसम खराबीका कारण बिहीबार परेको चट्याङलेसमेत असर पारेको आशंका छ । उनले के कारणले बत्ती गयो भन्ने कुरा यकीन गर्न नसकिएको बताए । विमानस्थलका प्राविधिकले मर्मतको काम गरेपनि डबल फेजमा आउनुपर्ने करेन्ट सिंगल फेजमा मात्र आएकाले मर्मत पूरा नभएको उनले जानकारी दिए । यसकारण विमान असुरक्षित हुने देखिएपछि रद्द गरिएको उनले जनाए । शनिबार बिहानैबाट प्राविधिकसहितको विज्ञ टोलीले काम गर्ने र उडान भर्नेमा विश्वस्त रहेको पोख्रेलले बताए ।