दुई सन्तानसहित दम्पती त्रिशूलीमा हामफाले, श्रीमतीको मृत्यु, श्रीमान्‌को उद्धार, दुई बालक बेपत्ता

काठमाडौंको चन्द्रागिरी नगरपालिका–५ थानकोट घर भएका रेग्मी गजुरीस्थित आदमघाटमा रहेको ससुराली आएका थिए । ३२ वर्षीया श्रीमती जमुना, दुई वर्षीय र ६ महिने छोरासहित उनले बिहीबार साँझ साढे ६ बजे धादिङ र गोरखाको घ्याल्चोक जोड्ने पुलबाट हाम फालेको प्रहरीको भनाइ छ ।

त्रिशूलीको जलयात्रा गर्ने टोलीसँग रहेको उद्धार टोलीले विनयको उद्धार गरेको प्रहरी उपरीक्षक रवीन्द्र रेग्मीले बताए । जमुनाको शव पनि घटनास्थलनजिकै फेला परेको थियो । दुवै बालक बेपत्ता छन् ।