सूचना प्रविधि विधेयक लोकतन्त्र र विधिको शासन विरुद्धमा : कोइराला 

कोइरालाले आइतबार जारी गरेकाे विज्ञप्तिमा सत्ता र शक्तिलाई लिखित, मौखिक वा सामाजिक सञ्जालमा टिप्पणी गर्दा लेखक, पत्रकार, कार्टुनिस्ट, व्यंग्यकार र सर्वसाधारणलाई जेल हाल्ने कानुन ल्याइनु सर्वसत्तावादको पूर्वाभ्यास भएको उल्लेख छ ।

‘लोकतन्त्रिक गणतन्त्र कमजोर बनाउने कार्य जो कोहीबाट भए पनि त्यसको सशक्त प्रतिकार नेपाली कांग्रेसले गर्छ । नागरिक समाज, बुद्धिजिवी, पेशागत संघ संस्थालगायत सम्पूर्ण नागरिक विधेयकका विरुद्धमा एक भएर उभिनुको विकल्प छैन्,’ कोइरालाले विज्ञप्तिमा भनेका छन् ।

प्रस्तावित विधेयक तत्काल फिर्ता लिन कोइरालाले सरकारलाई आग्रहसमेत गरेका छन् ।