मेलमिलाप दिवसकै दिन कांग्रेसमा देखिएन मेल !
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — आज पुस १६ । नेपाली कांग्रेसका तत्कालीन नेता बीपी कोइराला राष्ट्रीय मेलमिलापको नीति लिएर भारत प्रवासबाट नेपाल फर्किएको दिन ।
![](https://assets-cdn.ekantipur.com/uploads/source/ads/900x100-1172024092759.gif)
![मेलमिलाप दिवसकै दिन कांग्रेसमा देखिएन मेल !](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2020/third-party/deubapoudel-18122019123052-1000x0-0112020040158-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
२०१७ साल पुस १ गते 'कू' मार्फत् राजा महेन्द्रले लागू गरेको पञ्चायती व्यवस्थाको विरोध गरिररहेका कांग्रेस नेता कोइराला राजासँग मेलमिलाप गरी देशभित्रै बस्ने घोषणा गरी २०३३ साल पुस १६ गते स्वदेश फर्किएका थिए । यसको सम्झनामा कांग्रेसले मेलमिलाप दिवस मनाउने पनि गरेको छ ।
तर, आज मेलमिलाप दिवसकै दिन कांग्रेसको पदाधिकारी बैठकमा भने पार्टी नेताहरुबीचको बेमेल देखियो । पार्टी सभापति शेरबहादुर देउवाले बोलाएको बैठकमा बरिष्ठ नेता रामचन्द्र पौडेल उपस्थित भएनन् । महाधिवेशनको मिति तोक्ने र विभागको संख्या बढाउनेमा एकलौटी गरेको भन्दै पौडेल, महामन्त्री सशांक कोइराला, कोषाध्यक्ष सीतादेवी यादव तथा नेताहरु कृष्ण सिटौला, प्रकाशमान सिंह लगायतले केन्द्रीय समिति बैठक बहिष्कार गर्दै आएका छन् ।
गुट उपगुटमा विभाजित कांग्रेसको यो किचलो मेलमिलाप दिवसका दिन पनि देखिएको हो । आसन्न राष्ट्रीयसभा चुनावका लागि पार्टीका उम्मेदवार चयन गर्ने एजेन्डा आजको पदाधिकारी बैठकको थियो । यस बैठकबारे देउवाको सन्देश लिएर आफ्नो निवास आएका उपसभापति विमलेन्द्र निधीलाई रुष्ट पौडेलले 'बैठकमा हामी किन चाहियो र ?' भन्दै आफू बैठकमा उपस्थित नहुने बताएका थिए ।
पौडेल-सिटौलाले सहमतिका लागि देउवासँग नै वार्ता गर्ने बताएपछि देउवाले आज नै आफू सहमितका लागि तयार रहेको बताएका थिए । मंगलबारमात्रै सिटौलाले देउवालाई पत्र पठाइ केन्द्रीय समितिबाट पारित गरेको १४ औं महाधिवेशनको मिति र विभाग थप गरिएको निर्णय सच्च्याउन देउवालाई सुझाव दिएका थिए ।
पार्टीका प्रवक्ता विश्वप्रकाश शर्माले बैठकमा उम्मेदवार बारे छलफल भएको र बिहीबार केन्द्रीय कार्यसमिति बैठक बस्ने बताए ।
![](https://assets-cdn.ekantipur.com/uploads/source/ads/900-x-100-0172024023126.gif)