फोहोर बोकेको गाडी दुर्घटना, चालक र सहचालकको मृत्यु
नुवाकोट — काठमाडाैंकाे तारकेश्वर नगरपालिका–३ तीनपिप्लेस्थित कोटमा फोहोर बोकर नुवाकोटको सिसडोल जाँदै गरेको गाडी दुर्घटना हुँदा दुई जनाको मृत्यु भएको छ ।
हेटौंडा घर भएका चालक माइला लामा र सहचालक धादिङ गल्छीका कमल लामाको गाडीले नै चेपिएर मृत्यु भएको बालाजु प्रहरी वृत्तका डीएसपी रञ्जितसिंह राठौरले जानकारी दिए ।
शुक्रबार बिहान ना ३ ख ३३८ नम्बरको फोहार बोकेको गाडी सिसडोलतर्फ जाने क्रममा अनियन्त्रित भई सडकबाट पल्टिएकाे प्रहरीले जनाएकाे छ ।
कीर्तिपुरदेखि फोहोर बोकेर आएको गाडी दुर्घटनामा परेको प्रहरीले जानकारी दिएको छ ।
प्रतिक्रिया
