हेटौंडा — मकवानपुरको बकैया र ठिंगनको सीमामा देखिएको धुँवाको मुस्लो डढेलो भएको पुष्टि भएको छ । हवाइजहाज दुर्घटना भएको हुनसक्ने भन्ने खबर फैलिएपछि त्यहाँ पुगेको प्रहरी टोलीले यस्तो पुष्टि गरेको हो ।
मकवानपुर प्रहरी प्रमुख (एसपी) मुकेश सिंहले चौघडाबाट पुगेको प्रहरी टोलीले वनमा आगो लागेका कारण धुँवाको मुस्लो देखिएको बताए ।
नेपाली सेनाका प्रवक्ता विज्ञानदेव पाण्डेले धुँवाको मुस्लो देखिएपछि फास्ट ट्रायकमा खटिएको सेनाको टोली पनि त्यसतर्फ पठाइएको बताए ।