१७ करोड ठगी आरोपमा दिनेश कोइराला पक्राउ
काठमाडौँ — प्रहरीले दोलखाका दीनेश कोइरालालाई १७ करोड रुपैयाँ ठगी गरेको आरोपमा पक्राउ गरेको छ । महानगरीय अपराध महाशाखाको टोलीले कोइरालालाई बुधबार बालुवाटारबाट पक्राउ गरेको हो ।
उनले १५ जनाभन्दा बढी व्यक्तिकको करिब १७ करोड रुपैयाँ ठगी गरेको आरोप लागेको छ । कोइरालाले हनुमान ढोका बहुउद्देश्यीय सहकारीको १० करोड, सोही सहकारीबाट ३ करोड २५ लाख रुपैयाँमा खरिद गरेको टोयटा गाडी,ललितपुरका सुलभ कर्मचार्यको १ करोड ५० लाख लगायत अन्यको ठगी गरेको आरोपमा पक्राउ गरिएको महाशाखाका एसएसपी सहकुल थापाले बताए ।
उनी विरुद्ध महानगरिय प्रहरी वृत कमलपोखरीमा चेक बाउन्सको उजूरी समेत परेको छ ।
प्रकाशित : मंसिर २५, २०७६ २०:०३प्रतिक्रिया