न्यायाधीश नियुक्तिविरुद्ध सर्वोच्चमा रिट - समाचार - कान्तिपुर समाचार
कान्तिपुर वेबसाईट
AdvertisementAdvertisement

न्यायाधीश नियुक्तिविरुद्ध सर्वोच्चमा रिट 

कान्तिपुर संवाददाता

काठमाडौँ — सर्वोच्च अदालतले उच्च अदालतका १५ न्यायाधीश नियुक्ति सिफारिसविरुद्ध परेको निवेदन दर्ता गर्न आदेश दिएको छ । 

अधिवक्ता श्याम मास्केले दिएको निवेदन अस्वीकार गर्ने प्रशासनको निर्णयलाई सर्वोच्च अदालतले उल्ट्याइदिएको हो । मास्केको निवेदन दर्ता हुन नसक्ने भनी रजिष्ट्रार नारायण पन्थीले दरपीठको आदेश गरेका थिए ।

आदेशविरुद्धको निवेदन सुनुवाई गर्दै न्यायाधीश डम्बरबहादुर शाहीको इजलासले निवेदन दर्ता गर्न आदेश दिएको हो । मास्केले गत मंसीर ४ गतेको परिषद्को निर्णय कानून विपरित भएको दाबी गर्दै निवेदन दिएका थिए ।

प्रकाशित : मंसिर २५, २०७६ १०:००
प्रतिक्रिया
पठाउनुहोस्

जोशीलाई पृथ्वी प्रज्ञा

कान्तिपुर संवाददाता

काठमाडौँ — नेपाल प्रज्ञा प्रतिष्ठानले विभिन्न स्रष्टालाई यो वर्षको प्रज्ञा पुरस्कार प्रदान गर्‍यो । राष्ट्रपति भवनमा सोमबार आयोजित कार्यक्रममा वाङ्मय शताब्दीपुरुष सत्यमोहन जोशी ‘पृथ्वी प्रज्ञा–पुरस्कार’बाट सम्मानित भए । राष्ट्रपति विद्यादेवी भण्डारीले जोशीलाई सम्मानपत्र र चार लाख रुपैयाँ हस्तान्तरण गरिन् ।

सात दशकदेखि नेपाली संस्कृति, पुरातत्त्व, कला र साहित्यमा योगदान दिएबापत जोशी पुरस्कृत भएका हुन् । यो पुरस्कार हरेक चार वर्षमा दिइँदै आएको छ ।

त्यस्तै प्रत्येक दुई वर्षमा प्रदान गरिने प्रज्ञा सामाजिक शास्त्र, संस्कृति तथा दर्शनशास्त्र पुरस्कार प्रा.डा त्रिरत्न मानन्धरलाई, प्रज्ञा नेपाली भाषा पुरस्कार प्रा.डा. टंकप्रसाद न्यौपानेलाई प्रदान गरियो । हरेक वर्ष प्रदान गरिने प्रज्ञा नेपाली साहित्य पुरस्कारबाट मदन रेग्मी र भागिरथी श्रेष्ठ पुरस्कृत भए भने पहाडी तथा हिमाली क्षेत्रमा बोलिने मातृभाषा साहित्यतर्फ अमर तुम्याहाङ र अमृत योञ्जन तामाङ सम्मानित भए । तराई मधेसमा बोलिने मातृभाषाका साहित्यतर्फ अयोध्यानाथ चौधरी र अशोक थारू सम्मानित भए । पुरस्कारमा जनही एक–एक लाख रुपैयाँ रहेको छ ।

त्यस्तै ‘राष्ट्रिय कविता महोत्सव–२०७६’ मा प्रथम हुने धादिङका हेम प्रभासलाई ३५ हजार रुपैयाँ, दोस्रो हुने डोटीका सुभाषचन्द्र भण्डारीलाई २५ हजार रुपैयाँ, तेस्रा हुने लमजुङका प्रज्ज्वल अधिकारी, सोलखुम्बुकी शान्ति शर्मा र काठमाडौंका प्रकाश बस्नेत गफाडीलाई जनही २० हजार रुपैयाँसहित सम्मानपत्र प्रदान गरियो ।



प्रकाशित : मंसिर २५, २०७६ ०९:५६
पूरा पढ्नुहोस्
प्रतिक्रिया
पठाउनुहोस्
×