सीमा विवाद अनुगमन गर्न संयुक्त राष्ट्रसंघ सुरक्षा परिषद्लाई आव्हान 

कान्तिपुर संवाददाता

लन्डन — संयुक्त राज्यमा मुख्यालय रहेको गैर सरकारी संस्था, ग्लोबल पोलिसी फोरम नेपालले कालापानी लगायत क्षेत्रका बारेमा नेपाल र भारतबीच उत्पन्न सीमा विवाद अनुगमन गर्न र स्थिति बिग्रन नदिन संयुक्त राष्ट्रसंघ सुरक्षा परिषद्लाई आव्हान गरेको छ।

ZenTravel

एक विज्ञप्ति प्रकाशित गर्दै फोरमले लिम्पियाधुरा, लिपुलेख तथा कालापानी क्षेत्र आफ्नो सीमा भित्र देखाउने नक्शा प्रकाशित गरेर भारतले आफ्नो आक्रामक स्वरुप प्रश्तुत गरेको ठहर गरेको छ। 'ती क्षेत्रहरुको अवस्थिति स्वतन्त्र नेपाल तथा तत्कालिन औपनिवेशिक भारतबीच सन् १८१६ मा सम्पन्न सुगौली सन्धिबाट निर्क्योल भैसकेको हो। नेपाल तथा भारतबीच त्यसपछि भएका सन्धीहरुले निर्धारित सीमालाई मान्यता दिँदै आएका छन्। त्यसैले नेपालसँग सम्पर्क नगरिकनै एक पक्षीयरुपमा नक्शा प्रकाशित गर्ने भारत सरकारको काम गैर कानूनी छ र त्यसको कुनै कानूनी हैसियत छैन,' फोरमले भनेको छ ।

Meroghar


'कालापानी र सुस्ता क्षेत्रमा रहेको सीमा सम्बन्धी विवाद ऐतिहासिक प्रमाण तथा अन्तर्राष्ट्रिय कानूनका आधारमा समाधान गर्न सघाउन भारत तथा नेपाल दुवै मुलुकलाई सहयोग गर्न ग्लोबल पोलिसी फोरम नेपाल तयार छ,' फोरमका अध्यक्ष तथा बेलायतको प्रतिष्ठित लिड्स विश्वविद्यालयमा अन्तर्राष्ट्रिय कानूनका प्राध्यापक डा. सूर्य सुवेदीले भने। उनले यो विषयलाई आपसी सम्मान र विश्वासका आधारमा नियमित कूटनीतिक माध्यमबाट समाधान गर्न पहल गर्न दुवै मुलुकलाई आग्रह पनि गरे।

फोरमले आगामी मार्च महिनामा लन्डनमा नेपाल भारत सीमा विवादकै विषयमा एक सम्मेलन आयोजन गर्ने तयारी गरिरहेको पनि प्रा. सुवेदीले बताए।

प्रकाशित : मंसिर २०, २०७६ १५:१४
ADVERTISEMENT
प्रतिक्रिया
पठाउनुहोस्
ADVERTISEMENT

जनकपुरमा आज ४ स्वर्णका लागि कुस्तीमा प्रतिस्पर्धा हुँदै

सन्तोष सिंह

(धनुषा) — जनकपुरमा शुक्रबार १३ औं साग अन्तर्गत कुस्तीमा चार स्वर्णको लागि शुक्रबार खेल हुँदै छ । महिलातर्फ ५० किलोग्राम र ५३ किलोग्राम तथा पुरुषतर्फ ५७ कलोग्राम र ६५ किलोग्राम तौल समुहमा चार स्वर्णका लागि नेपाल, भारत, श्रीलंका र बंगलादेश सहभागी हुने आयोजक कमिटिका प्रावधिक प्रमुख खगेन्द्र बस्नेतले बताए ।

महिलातर्फ ५० किलोग्राममा नेपालबाट मनिषा सिंह र ५३ किलोग्राममा सिमांगी दुबे प्रतिस्पर्धा गर्दैछन् । पुरुषतर्फ ५७ कलोग्राममा नरेश यादव र ६५ किलोग्राममा सरोज यादव प्रतिस्पर्धा गर्दैछन् ।

महिलातर्फ ५० किलोग्राम र ५३ किलोग्राम पुरुषतर्फ ५७ कलोग्राम र ६५ किलोग्राम तौल समुहमा पाकिस्तानले सहभागिता जनाएको छैन ।

जनकपुरको कभर्डहलमा केही समय पछि प्रदेश २ का मुख्यमन्त्री लालबाबु राउतले कुस्तीको उद्घाटन गर्नेछन् । खेलाडहीहरुलाई नेपाली सेनाको सांस्कृतिक टोली र मिथाला नाट्य कला परिषद्(मिनाप)ले स्वागत गर्नेछन् । खेल आयोजना हुने कभर्डहल र खेलाडी बस्ने होटलमा सुरक्षाकर्मी परिचालन गरिएको छ ।

कुस्तीका लागि जनकपुरको कभर्डहललाई रंगरोगन गरी सजाइएको छ । मंसिर २० गते देखि २३ गतेसम्म आयोजना कुस्तीमा २० स्वर्णका लागि ५ देशका खेलाडी सहभागी हुँदै छन् ।

५ देशमध्ये ४ देशका खेलाडीलाई जनकपुर र पाकिस्तानका खेलाडीलाई महोत्तरीको बर्दिबासस्थित होटलमा राखिएको जिल्ला खेलकुद विकास समिति धनुषाका अध्यक्ष कमलकिशोर चौधरीले बताए ।

प्रकाशित : मंसिर २०, २०७६ १५:१२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×