सञ्चार सम्बन्धी कार्यविधिप्रति महासंघको आपत्ति

महासंघले एक विज्ञप्ति जारी गर्दै गाउँसभाबाट गरिएको निर्णयमा एफएम रेडियोको इजाजतपत्र रद्द गर्दै प्रशारणमा रोक लगाउनु गैर संवैधानिक कदम भनेको छ ।

महासंघका अध्यक्ष राजेन्द्रप्रसाद धितालद्वारा जारी विज्ञप्तीमा संविधानले पूर्ण प्रेस स्वतन्त्रताको प्रत्याभूति गरेको र सरकारले समेत सञ्चार नीति सार्वजनिक नगरेको अवस्थामा गाउँपालिकाले सञ्चार क्षेत्रलाई नियमन गर्ने नाममा प्रतिबन्ध गर्न सक्ने प्रावधान राख्नु आपत्तिजनक भनिएको छ ।

कार्यविधि नसच्याइए आन्दोलनमा उत्रने महासंघले विज्ञप्ति मार्फत चेतावनी दिएको छ ।

गाउँसभाले तयार गरेको एफएम रेडियो व्यवस्थापन तथा सञ्चालन कार्यविधिको दफा १० मा एफएमको प्रसारणमा रोक लगाउन सकिने प्रावधान छ ।

यो पनि पढ्नुहोस्ः

एफएम बन्द गराउन सक्ने गाउँपालिकाको कार्यविधि