बंगलादेशका राष्ट्रपति हमिद काठमाडौं आइपुगे

कान्तिपुर संवाददाता

काठमाडौँ — बंगलादेशका राष्ट्रपति मोहम्मद अब्दुल हमिद मंगलबार काठमाडौं आइपुगेका छन् । विमान बंगलादेशको विशेष उडानबाट दिउँसो राष्ट्रपति हमिद नेपाल आएका हुन् । 

त्रिभुवन अन्तर्राष्ट्रिय विमानस्थलमा राष्ट्रपति हमिदलाई रिसिभ गर्न परराष्ट्र मन्त्रालयका शिष्टाचार महापालसहितका विशिष्ट पदाधिकारी पुग्नेका छन्। राष्ट्रपति हमिदलाई विमानस्थलमा गार्ड अफ अनर प्रदान गरिएको छ। गार्ड अफ अनरमा सहभागी हुन नेपालकी राष्ट्रपति विद्यादेवी भण्डारी पनि विमानस्थल पुगेकी छन्।

हमिद दिउँसो ३ बजे भक्तपुर दरबार क्षेत्रको भ्रमणमा निस्कने कार्यक्रम रहेको परराष्ट्र मन्त्रालयले जनाएको छ।

राष्ट्रपति भण्डारीको निमन्त्रणामा बंगलादेशका समकक्षी हमिद ४ दर्जनभन्दा बढीको प्रतिनिधिमण्डल लिएर नेपालको औपचारिक भ्रमणमा आएका हुन् । राष्ट्रपतिले राष्ट्रपति, प्रधानमन्त्री शिष्टाचार भेटघाटबाहेक बिहीबार पोखरा र शुक्रबार चन्द्रागिरि केबल कारको अवलोकन भ्रमण गर्ने भएका छन् ।

बंगलादेशका १९ औं राष्ट्रपति हमिद यसअघि बंगालादेशको नेशनल पार्लियामेन्टमा सभामुख थिए। ७५ वर्षीय राष्ट्रपति सन् १९७१ को बंगलादेश स्वतन्त्रता आन्दोलनदेखि सक्रिय राजनीतिमा रहीआएका थिए।



प्रकाशित : कार्तिक २६, २०७६ १३:२९
प्रतिक्रिया
पठाउनुहोस्

वडाअध्यक्षद्वारा कार्यालय सहयोगी महिला माथी कुटपिट

मोहन बुढाऐर

(धनगढी) — मोहन्याल गाउँपालिका वडा नम्बर ५ का अध्यक्ष छविलाल हाउजाली मगरले कार्यालय सहयोगी महिला कर्मचारी तुलसरा सिजालीलाई कुटपिट तथा अभद्र व्यवहार गरेको आरोप लागेको छ ।  

गत १९ गते वडा अध्यक्ष हाउजलीले कार्यकक्ष भित्रै बोलाएर महिला तुलसरालाई कुटपिट गरेको दाबी गरिएको छ । कुटपिट पछि घाइते तुलसराको उपचार घोडाघोडी नगरपालिकाको सुख्खडस्थित अस्पताल र सेती अस्पतालमा गरिएको बताइएको छ ।

उपचार पछि पीडितले वडा अध्यक्षको नाममा उजुरी इप्रका सुख्खडमा दिन गएकी थिइन् । इलाका प्रहरी कार्यालयका प्रहरी निरीक्षक हरिशरण भट्टले आइतबार पीडित महिला इप्रकामा निवेदन दिन आएको बताए । उनले मंगलबार पीडक हाउजलीलाई नियन्त्रणमा लिएर सार्वजनिक अपराध अन्तरगत मुद्दा दर्ता गरी जिल्ला प्रशासनमा पठाएको जानकारी दिए ।

पीडित तुलसरालाई पीडक वडा अध्यक्ष हाउजलीले आफ्नो घरमा नभएको कुरो लगाई दिएको भन्दै कुटपिट गरेको आरोप लगाएको प्रहरी निरीक्षक भट्टले बताए । पीडित महिला पनि स्थानीय नै हुन् ।

प्रकाशित : कार्तिक २६, २०७६ १३:२७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×