ठाडीघाटमा नुहाउनेको भीड 

नारायण शर्मा

(नवलपरासी) — नवलपरासीस्थित नारायणी नदी किनारको ठाडीघाटमा कार्त्तिक पूर्णिमाका दिन स्नान गर्नेहरुको मंगलबार बिहानैदेखि घुइँचो लागेको छ । 

भगवान गौतमबुद्धले कुशीनगर जानु अघि यसै स्थानमा ब्रत, तपस्या गरेको विश्वासको आधारमा हरेक वर्षको कार्त्तिक पूर्णिमाका दिन यहाँ स्नान गर्ने र पूजा गर्नेको घुइँचो लाग्ने गर्दछ। यस्तै पौराणिककालमा शिव भगवानले पनि यो स्थानमा नुहाएको भन्ने जन विश्वास रहेको स्थानिय अंगद यादव बताउँछन्।
मेलामा सोमबार रातिदेखि नै नेपाल भारतका हजारौं भक्तजनहरु आउने गर्छन्। नेपाल भारतको सीमा क्षेत्रमा रहेको ठाडीघाटस्थित नारायणी नदीमा स्नान गरेर किनारमा रहेको शिव मन्दिरहरुमा पूजा गर्नाले पुण्य मिल्ने जनविश्वास रहिआएको छ।
मेलाका अवसरमा यहाँ दिउँसो कुस्ती प्रतियोगिता हुने गर्दछ। कुस्ति(दंगल)हेर्न नेपाल भारतका हजारौं दर्शक आउने गर्छन्। कुस्तिमा विजयी हुनेलाई आर्कषक नगद पुरस्कार राख्ने चलन छ।

प्रतियोगितामा भारतको हरीयाण, गोरखपुर, अयोध्या, पटनाबाट समेत कुस्तिवाजहरु आउने गर्छन।

प्रकाशित : कार्तिक २६, २०७६ ०९:५२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

मालवाहक गाडी नचलाउन आग्रह

कान्तिपुर संवाददाता

काठमाडौँ — महानगरीय ट्राफिक प्रहरी महाशाखाले बंगलादेशका राष्ट्रपति अब्दुल हमिदको मंगलबारदेखि कात्तिक २९ सम्म हुने नेपाल भ्रमणको समयमा राजधानीको चक्रपथभित्र ठूला मालबाहक गाडी नचलाउन आग्रह गरेको छ ।

महाशाखाले सोमबार विज्ञप्ति जारी गरी भ्रमणका क्रममा सवारी व्यवस्थापनमा सहयोग गर्नसमेत उपत्यकाबासीलाई आग्रह गरेको छ । विज्ञप्तिमा महाशाखाले भ्रमणका क्रममा मुख्य सडकको प्रयोग नगरी अन्य वैकल्पिक सडकको
प्रयोग गर्न तथा अनावश्यक सवारी साधन प्रयोग नगर्नसमेत आग्रह गरेको छ । पुराना र अवस्था ठीक नभएका गाडी नचलाउन तथा हर्नको प्रयोग नगर्नसमेत महाशाखाले भनेको छ ।


प्रकाशित : कार्तिक २६, २०७६ ०९:५०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×