चन्द समूहका केन्द्रीय सदस्य सहित १६ जना पक्राउ  

संगीता तिमिल्सेना 

बाजुरा — नेत्र विक्रम चन्द समूहका केन्द्रीय सदस्य चुडामणि ओली सहित १६ जना कार्यकर्ता पक्राउ परेका छन् । 


जिल्ला प्रहरी कार्यालय बाजुराले उनीहरुलाई गौमुल गाउँपालिका–३ माझपालीबाट शुक्रबार दिउँसो पक्राउ गरेको हो।

पक्राउ पर्नेहरुमा डम्बर सुनार, नरेश शाही, दीपक प्रकाश सुनार, अमललाल थापा, धर्मबहादुर थापा,उदय कशेरा, राजेश कुमार शाही, डबल बहादुर नेपाली, धर्मसिंह बोहरा, कुश्मा विक, अस्मिता विक, सुस्मिता विक, कमला विक, सृष्टि सिंह छन्।

बझाङबाट बाजुरा आउने क्रममा प्रहरीले उनीहरुलाई बीच बाटोमै पक्राउ गरेको थियो।

प्रकाशित : कार्तिक २२, २०७६ १९:२६
प्रतिक्रिया
पठाउनुहोस्
ADVERTISEMENT

आलमको सम्पत्ति छानबिन हुने

शिव पुरी

रौतहट — कर्तव्य ज्यान, ज्यानमार्ने उद्योग र विस्फोटन भण्डारणको आरोप लागेका कांग्रेस नेता एवं पूर्वमन्त्री मोहम्मद आफताब आलमको सम्पत्ति छानबिन हुने भएको छ । 

कर्तव्यज्यान लगायत तीनवटा कसुर आरोपमा प्रहरी हिरासतमा रहेका आलमलाई सम्पति शुद्धिकरण अनुसन्धान विभागले जिल्ला प्रहरी रौतहटलाई पत्र पठाइ तत्काल छुटी जाने भएमा विभागमा उपस्थित गराइदिन अनुरोध गरेको छ।

जिल्ला अदालतले धरौटी तारेखमा छाडे सम्पति छानबिनको दायरमा ल्याउन आलमलाई प्रहरीले पुन: पक्राउ गरि शुद्धिकरण विभाग पठाउने छ।

प्रहरीले जिल्ला अदालत गौरलाई बिहीबार पत्र पठाई कर्तव्य ज्यान लगायत मुद्दामा अदालतमा थुनछेक बहसको क्रममा रहेको मुद्दामा आलम छुटि जाने भएमा सम्पत्ति शुद्धिकरण विभागमा उपस्थित गराउन अनुरोध गरेको छ।

सम्पत्ति शुद्धिकरण ऐन २०६४ को २१ (२) बमोजिम उनीमाथिसम्पती छानबिन हुने प्रहरीले जनायो। आलमविरुद्ध बिहीबारदेखि थुनछेक बहस चलिरहेको छ। बादी प्रतिबादीको बहस सकिएपछि मुद्दाको किनारा नलागुन्जेल आरोपितलाई थुनामा राख्ने, धरौटी वा साधारण तारेखमा छाड्ने भन्ने विकल्प मध्ये एउटा आदेश दिनेछ।

अदालतबाट आलम छुटि जाने भए पनि सम्पति शुद्धिकरणमा बुझाईने जिल्ला प्रहरी प्रमुख एसपी भुपेन्द्र खत्रीले बताए। ‘हामीलाई अदालतबाट छुटे लगत्तै शुद्धिकरण विभागमा पठाउने भन्ने आदेश भएको छ,’उनले भने,‘आलमलाई विभागकै अनुरोध अनुसार पठाउछौँ।’

प्रकाशित : कार्तिक २२, २०७६ १९:१५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT