चन्द समूहका केन्द्रीय सदस्य सहित १६ जना पक्राउ  

संगीता तिमिल्सेना 

बाजुरा — नेत्र विक्रम चन्द समूहका केन्द्रीय सदस्य चुडामणि ओली सहित १६ जना कार्यकर्ता पक्राउ परेका छन् । 


जिल्ला प्रहरी कार्यालय बाजुराले उनीहरुलाई गौमुल गाउँपालिका–३ माझपालीबाट शुक्रबार दिउँसो पक्राउ गरेको हो ।


पक्राउ पर्नेहरुमा डम्बर सुनार, नरेश शाही, दीपक प्रकाश सुनार, अमललाल थापा, धर्मबहादुर थापा,उदय कशेरा, राजेश कुमार शाही, डबल बहादुर नेपाली, धर्मसिंह बोहरा, कुश्मा विक, अस्मिता विक, सुस्मिता विक, कमला विक, सृष्टि सिंह छन् ।


बझाङबाट बाजुरा आउने क्रममा प्रहरीले उनीहरुलाई बीच बाटोमै पक्राउ गरेको थियो ।


प्रकाशित : कार्तिक २२, २०७६ १९:२६
प्रतिक्रिया
पठाउनुहोस्
ADVERTISEMENT

असिना पानीले अन्नबाली नष्ट 

संगीता तिमिल्सेना 

बाजुरा — जिल्लाको बडीमालिका नगरपालिका–१ मा सोमबार बेलुकी आएको असिना पानीले अन्नबाली, तरकारी र फलफूल खेतीमा क्षति पुर्‍याएको छ  । सोमबार दिउँसो ४  बजे आएको असिना पानीले पाक्न लागेको कोदो, फापर, धान, सुन्तला, केरा र तरकारी बालीमा क्षति गरेको स्थानीय कृषक हर्कबहादुर कार्कीले बताए । उनले वडाको पिनालेख, पाटा, नुवाकोट र सल्लेनाका करिब ११ सय कृषकको बाली नष्ट गरेको कान्तिपुरसँग बताए । 

बालीमा क्षति भएपछि आफू र छोराछोरीलाई पाल्न दैनिक ज्याला मजुदरी गर्न भारतमा जानुपर्ने अवस्था आएको कार्कीले कान्तिपुरसँग भने । अन्नबाली नष्ट भएको गुनासो सुनाएपछि बडीमालिका नगरपालिका उपप्रमुख कविता विष्टले क्षतिको यथार्थ विवरण आएपछि नियमअनुसार राहत दिने बताइन् ।

नगरपालिकाले बनाएको दैवी प्रकोप राहत कोषअनुसार कृषकको क्षतिको अवस्था हेरी राहतका लागि पहल गर्ने नगर उपप्रमुख विष्टले आश्वासन दिए ।

प्रकाशित : कार्तिक १९, २०७६ ११:३२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×