दुर्घटनामा बालिकाको मृत्यु
दोलखा — भीमेश्वर नगरपालिका—२ स्थित सुक्लामा बलेरो गाडी दुर्घटना हुँदा नौ वर्षीया बालिका रोशनी वलीको मृत्यू भएको छ ।
सदरमुकाम चरिकोटतर्फ आइरहेको बा१४च ४६७ नम्बरको बलेरो गाडी बुधबार बिहान ८ बजेतिर दुर्घटना भएको प्रहरी नायव उपरिक्षक मानबहादुर राईंले बताए । बलेरोमा सवार नौ जनामध्ये पाँच जना घाइते छन् ।
प्रहरीका अनुसार घाइतेहरु ३५ बर्षिय भोवहादुर वली, ३० दुर्गा वली, पाँच वर्षिय रोहन वली, ३७ बर्षिय रञ्जनी तामाङ र ३५ बर्षि चालक मनु तामाङको चरिकोट अस्पतालमा उपचार भैरहेको छ । बलेरो सडकबाट करिब २५ मिटर तल खसेको प्रहरीले जनाएको छ ।
दोलखा बजारबाट नागदहसम्म कच्ची र अप्ठेरो सडकका कारण उक्त क्षेत्रका बासिन्दा सधैं जोखिम यात्रा गर्न बाध्य छन् ।
प्रतिक्रिया
