दुर्घटनामा बालिकाको मृत्यु- समाचार - कान्तिपुर समाचार
कान्तिपुर वेबसाईट
AdvertisementAdvertisement

दुर्घटनामा बालिकाको मृत्यु

कान्तिपुर संवाददाता

दोलखा — भीमेश्वर नगरपालिका—२ स्थित सुक्लामा बलेरो गाडी दुर्घटना हुँदा नौ वर्षीया बालिका रोशनी वलीको मृत्यू भएको छ ।


सदरमुकाम चरिकोटतर्फ आइरहेको बा१४च ४६७ नम्बरको बलेरो गाडी बुधबार बिहान ८ बजेतिर दुर्घटना भएको प्रहरी नायव उपरिक्षक मानबहादुर राईंले बताए । बलेरोमा सवार नौ जनामध्ये पाँच जना घाइते छन् ।


प्रहरीका अनुसार घाइतेहरु ३५ बर्षिय भोवहादुर वली, ३० दुर्गा वली, पाँच वर्षिय रोहन वली, ३७ बर्षिय रञ्जनी तामाङ र ३५ बर्षि चालक मनु तामाङको चरिकोट अस्पतालमा उपचार भैरहेको छ । बलेरो सडकबाट करिब २५ मिटर तल खसेको प्रहरीले जनाएको छ ।


दोलखा बजारबाट नागदहसम्म कच्ची र अप्ठेरो सडकका कारण उक्त क्षेत्रका बासिन्दा सधैं जोखिम यात्रा गर्न बाध्य छन् ।


प्रकाशित : कार्तिक १३, २०७६ ११:५६
प्रतिक्रिया
पठाउनुहोस्

हलेसीमा बस दुर्घटना हुँदा १४ घाइते

डम्बरसि राई

खोटाङ — दिक्तेलबाट विराटनगर जाँदै गरेको बस दुर्घटना हुँदा १४ जना घाइते भएका छन् । को१ख ६२२० नम्बरको बस हलेसी तुवाचुङ नगरपालिका–१० अर्खौलेस्थित कामीडाडाँमा बुधबार बिहान करिब पाँच बजेर बीस मिनेट जाँदा दुर्घटना हुँदा १४ जना घाइते भएका हुन् । 

घाइतेहरुको दिक्तेल अस्पतालमा उपचार भइरहेको प्रहरी नायव उपरीक्षक वामदेव गौतमले बताए । उनका अनुसार १४ मध्ये दुईजना भने सामान्य घाइते छन् ।

चालक जेवी तामाङ फारार रहेको डिएस्पी गौतमले सुनाए । बस सडक भन्दा करिब ५० मिटर तल खसेको छ । घाइतेहरुको नाम खुल्न सकेको छैन । केही समयपछि खुल्ने डिएसपी गौतमले सुनाए ।

प्रकाशित : कार्तिक १३, २०७६ १०:४३
पूरा पढ्नुहोस्
प्रतिक्रिया
पठाउनुहोस्
×