फुटबल विश्वकप छनोट : भोली नेपाल अस्ट्रेलियासँग भिड्ने (तस्बिरहरु)

नेपाली टोलीको तयारी राम्रो रहेको प्रशिक्षक कालिनको दाबी
शब्द/तस्बिर : हेमन्त श्रेष्ठ

अस्ट्रेलिया — बिहीबार अस्ट्रेलियाको राजधानी क्यान्बेरामा अस्ट्रेलियाविरुद्ध नेपालले फुटबल विश्वकप छनोट अन्तरगत आफ्नो तेस्रो खेल खेल्दै छ । राजधानी क्यानबेरा स्थित जियो स्टेडियममा हुने खेल नेपाली समय अनुसार दिउसो पौने तीन बजे सुरु हुनेछ । एक साता देखी सिड्नीमा बन्द प्रशिक्षणमा रहेको नेपाल मंगलबार क्यानबेरा आइपुगेको हो ।

बुधबार भएको प्री म्याच कन्फ्रेन्समा नेपाली टिमका मुख्य प्रशिक्षक योहान कालिनले दुवै टिममा एघार एघार जना खेलाडी हुने भएकाले नतिजा जसको पक्षमा पनि जान सक्ने प्रतिृकया दिएका छन् ।

अस्ट्रेलिया बलियो टिम भएपनि आफूहरुले राम्रो तयारी गरेको उनको भनाइ छ । अस्ट्रेलियन प्रशिक्षक ग्राहम आरनोल्डले नेपाल विरुद्ध आक्रमक खेल खेल्ने उल्लेख गरे । नेपालले खेल्न लागेको यो अहिले सम्मकै ठुलो खेल हो ।

फिफा वरियतामा नेपाल एक सय ६१ र अस्टेलिया ४४ औं स्थानमा छ ।

नेपालले विश्वकपको दोस्रो चरण खेलिरहेको छ भने अस्ट्रेलिया रसियासहित पाँच पटक विश्वकपमा सहभागी भइसकेको छ । यसअघि छनोटमा नेपालले कुतेवसँग सात शुन्यको हार बेहोर्दा चाइनितज ताइपेइलाई भने दुई शुन्यले पराजित गरेको थियो ।

अस्ट्रेलियाको यो दोस्रो खेल हो । उसले आफ्नो पहिलो खेलमा कुवेतलाइ तीन शुन्यले पराजित गरेको थियो । उसको टिममा प्रिमियर लिगसहित युरोपका विभिन्न क्लबकबाट खेल्ने खेलाडी समावेश छन् ।










प्रकाशित : आश्विन २२, २०७६ १६:५४
प्रतिक्रिया
पठाउनुहोस्

अभ्यासमा नेपाली फुटबल टोली [फोटोफिचर]

शब्द/तस्बिर : हेमन्त श्रेष्ठ

सिड्नी, अस्ट्रेलिया — विश्वकप फुटबल छनोट र एसियन छनोट खेल्न नेपाली टोली अहिले अस्ट्रेलियाको सिड्नीमा छ । नेपालले बिहीबार अस्ट्रेलियासँग राजधानी क्यानबेरामा खेल्दै छ । नेपालले पहिलो पटक अस्ट्रेलियासँग खेल्न लागेको हो ।अस्ट्रेलियासँगको खेलको तयारीका लागि नेपाली फुटबल टोलीले सिड्नीमा बसेर अभ्यास गरिरहेको छ । नेपाली टोली बिहीबार नै सिड्नी आइपुगेको थियो । नेपालले सिड्नी स्पोर्टस एकेडेमीमा बसेर तयारी गरिरहेको छ ।

आइतबारको प्रशिक्षणमा सबै नेपाली खेलाडी उपलब्ध थिए । इन्डोनेसियामा लिग खेलिरहेका रोहित चन्द शनिबार सिड्नी आइपुगेका हुन् । उनीसँगैं विदेशमा लिग खेलिरहेका कप्तान एवंम गोलरक्षक किरण चेम्जोङ र स्ट्राइकर विमल घर्तीमगर पनि नेपाली टोलीस“गैं सिड्नीमा रहेका छन् ।

नेपालले खेल्न लागेको अस्ट्रेलिया सबैभन्दा माथिल्लो वरीयताको टोली हो । फिफा विश्व वरीयतामा अस्ट्रेलिया ४३ औं र नेपाल १ सय ६१ औं स्थानमा छ ।अस्ट्रेलियाले छनोटचरणको पहिलो खेलमा कुवेतलाई उसैको मैदानमा ३—० ले पराजित गरेको थियो । नेपाल त्यही कुवेतस“ग उसैको मैदानमा ७—० गोलले पराजित भएको थियो । नेपालले दुई खेलमा एकमा विजय हात पारेको छ । नेपालले पछिल्लो खेलमा चाइनीज ताइपेइलाई २—० ले पराजित गरेको थियो । विश्वकप छनोटको इतिहासमा नेपालको त्यो पहिलो अवे विजय थियो ।

प्रकाशित : आश्विन १९, २०७६ १०:१३
पूरा पढ्नुहोस्
प्रतिक्रिया
पठाउनुहोस्