गल्छीमा लेदोले राजमार्ग अवरुद्ध 

हरिहरसिंह राठौर

गल्छी — राजमार्गदेखि मास्तिरको खेतबाट आएको चिप्लो लेदो माटोले पृथ्वीराजमार्ग अवरुद्ध भएको छ । राजधानीबाट आउँदै गर्दा गल्छी पुग्ने आह्रालो मोडमै  रातोमाटोको  लेदोले सडक चिप्लो बनाएपछि सवारीसाधन गुडाउन समेत कठिनाई भएको छ । लेदो मिसिएको रातोमाटो मूल राजमार्गमा झर्ने क्रम नरोकिँदा एक हप्तायता सडक अवरुद्ध हुँदै आएको छ ।

गल्छी गाउँपालिका-७ भल्टारमा सिंचाईको लागि खेतमा लगाइएको पानीको निकाससँगै लेदो माटो सडकमा थुप्रँदा गत वर्ष पनि यही ठाउँमा महिनौं दिनसम्म सडक अवरुद्ध भएको थियो। सडक अवरुद्ध भएपछि गाउँपालिकाले डोजर लगाएर लेदो माटो फाल्दै आइरहेको गल्छी गाउँपालिका वडा नम्बर ७ का वडा अध्यक्ष हरि खतिवडाले बताए।

‘खेतका कान्लाबाट पानी रसाएर लेदो बग्छ। रोक्न सक्ने उपाय छैन। धानखेतमा पानी सुकाउन किसानले दिँदैनन्,’ बैरेनीस्थित प्रहरी चौकी इञ्चार्ज जनक बस्नेतले भने।

खेतमा पानी लगाएको समयमा मात्रै पहिरो खस्ने गरेको बस्नेत बताउँछन् । जामले हजारौं यात्रु बिच बाटोमा बिचल्लीमा पर्ने गरेका छन्। केही दिनयता राजमार्गमा सवारीसाधनको लाम देखिने गरेको छ। काठमाडौंबाट आउँदा सिम्लेसम्म र काठमाडौं जाँदा आदमघाटसम्म सवारीसाधनको लामो जाम हुने गरेको छ।

पहिरो खसेको सडक भन्दा माथि जमिन चिरिन थालेपछि आसपासका बासिन्दा समेत पहिरोको जोखिममा रहेका छन्।

प्रकाशित : भाद्र २५, २०७६ १४:४४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

'क्युट' कुमारी

तस्बिर : इलिट जोशी

काठमाडौँ — वसन्तपुरमा बुधबार सामूहिक कुमारी पूजा गरिएको छ। कुमारी पूजा सेवा समिति भक्तजन परिवारको आयोजना इन्‍द्रजात्राको अवसर पारेर हरेक वर्ष उक्त कार्यक्रमको आयोजना गरिँदै आइएको छ । यो वर्ष पनि आउने शुक्रबार परेको इन्द्रजात्राको अवसर पारेर वसन्तपुरमा कुमारीहरूको सामूहिक पूजा गरिएको हो। पूजामा ३५ कुमारी सहभागी थिए ।


प्रकाशित : भाद्र २५, २०७६ १४:०३
पूरा पढ्नुहोस्
प्रतिक्रिया
पठाउनुहोस्
ADVERTISEMENT