‘आमसञ्चार नेपाल-भारत सम्बन्धको राम्रो सेतु बन्नसक्छ’

'आजको सोच्ने, सम्झने र सहज बनाउने सम्बन्धको सेतु आमसञ्चार बनेको छ, जुन राजनीति र कूटनीतिभन्दा बढी महत्वको छ,' उनले भने ।

भारतीय जनसञ्चार संस्थानका महानिर्देशक कुलदीपसिंह धद्वालियाले अब संस्थानका तर्फबाट स्नातकोत्तर शिक्षा दिने तयारी गरेको जानकारी दिए । संस्थानबाट तालीम लिएका र अध्ययन गरेकाहरुको सञ्जाल विश्वभर फैलिएको उनले बताए । संस्थानबाट नेपालबाट मात्र दुई हजार ७०० जनाले तालीम तथा शिक्षा लिइसकेको जानकारी दिए । आमसञ्चारको क्षेत्रमा सो संस्थान दक्षिण एशियाकै अग्रणी मानिन्छ । सन् १९६५ मा स्थापित संस्थानले विकास पत्रकारिताका लागि अध्यापन गराउँदै आएको छ । यसको एल्मुनाई एशोसिएशन भने सन् २०१२ मा स्थापना भएको थियो ।

राष्ट्रिय सूचना आयोगका आयुक्त यशोदा तिम्सिनाले संस्थानमा पाएको ज्ञानको आफ्नो पत्रकारितामा महत्वपूर्ण योगदान रहेको चर्चा गर्नुभयो । एल्मुनाई एशोसियशन नेपाल च्याप्टरका अध्यक्ष अनिल गिरीले नेपालमा ढिला गरी गठन भए पनि यसमार्फत सिर्जनात्मक गतिविधि अघि बढाउने प्रतिबद्धता जनाए ।

2/2. More than 80 IIMC Alumni participated in the event organised by the Nepal Chapter of IIMC Alumni Association & supported by the BP Koirala India-Nepal Foundation. pic.twitter.com/zwIBi94UG6

— IndiaInNepal (@IndiaInNepal) September 7, 2019

नेपाल पत्रकार महासंघका पूर्वअध्यक्ष डा महेन्द्र विष्ट, संस्थानका महासचिव हर्षेन्द्रसिंह वर्धन, एल्मुनाई एशोसियशनका सचिव रितेश वर्मा लगायतले एशोसियशनमार्फत आमसञ्चारको ज्ञान र सीप मात्र नभई नेपाल भारत सम्बन्धका विविध आयामलाई अझ सुमधुर बनाउन सहकार्य गरेको उल्लेख गरेका थिए ।

कार्यक्रमअन्तर्गत भएको छलफल सत्रमा नेपालका वरिष्ठ पत्रकार युवराज घिमिरे, हिन्दुस्तान टाइम्सकी नेसनल पोलिटिकल एडिटर सुनित्रा चौधरी, भारतको एनडीटिभीका वरिष्ठ कार्यकारी सम्पादक मनोरञ्जन भारती, एचटी डिजिटल मिडियाका वरिष्ठ पत्रकार प्रसाद सन्यालले बदलिँदो सञ्चार सञ्जालको बारेमा टिप्पणी गरेका थिए ।

सम्मेलनमा नेपाल र भारतका पत्रकारको उल्लेख्य सहभागिता थियो ।