एसिड प्रहारबाट घाइते छात्रालाई प्रदेश सरकारको ५ लाख सहयोगको घोषणा

सन्तोष सिंह

(धनुषा) — प्रदेश २ का मुख्यमन्त्री लालबाबु राउतले एसिड प्रहारबाट घाइते भएकी छात्राको उपचारका लागि ५ लाख रुपैयाँ दिने घोषणा गरेका छन् । शुक्रबार बिहान वीरगन्ज–३ छपकैयाकी १५ वर्षीया छात्रा मुस्कान खातुनमाथि एसिड प्रहार भएको हो ।

खातनुको उपचारमा कमिकमजोरी हुन नदिन मुख्यमन्त्री राउतले ५ लाख रुपैयाँ दिने घोषणा गरेको मुख्यमन्त्री तथा मन्त्रिपरिषद्‌ कार्यालयका कर्मचारी आतिश मिश्रले बताए।

खातुनलाई नारायणी उपक्षेत्रीय अस्पतालमा प्रारम्भिक उपचारपछि थप उपचारका लागि काठमाडौँ रेफर गरिएको छ। गणेशमान सिंह चोकमा १६ वर्षीय सम्साद मियाँ हजामले वीरगन्ज–३ छपकैया निवासी मुस्कान खातुनमाथि एसिड प्रहार गरेको प्रहरीले जनाएको छ।

कक्षा ९ मा अध्ययनरत छात्रामाथि एसिड प्रहारे घटना तत्काल छानबिन गरी दोषीलाई कडा कारबाही गर्ने प्रतिब्द्धता जनाएका छन्। मुख्यमन्त्री राउतले प्रदेश २ मा छोरीलाई शिक्षित बनाउने ‘बेटी पढाउ, बेटी बचाउ’ अभियान चलाएका छन्।

प्रकाशित : भाद्र २०, २०७६ १९:०५
प्रतिक्रिया
पठाउनुहोस्

यू–१९ एसिया कप : नेपाल श्रीलंकासँग पराजित

कुशल तिमल्सिना

काठमाडौँ — नेपालले एसीसी यू–१९ एसिया कप क्रिकेटमा नेपाल समूहको पहिलो खेलमा घरेलु टोली श्रीलंकासँग ५ विकेटले पराजित भएको छ । आर प्रेमदासा रंगशालामा शुक्रबार टस जितेर पहिले ब्याटिङ गरेको नेपालले निर्धारित ४२ ओभरमा ९ विकेट गुमाएर १ सय ५९ रनको सामान्य योगफल खडा गरेको थियो । वर्षाका कारण ओभर छोट्याइएको हो ।

ओपनर पवन सर्राफ (४) र तेस्रो नम्बरमा आएका आसिफ शेख (७) सस्तैमा आउट भएपछि आएका कप्तान रोहित कुमार पौडेलसँग मिलेर अर्का ओपनर रीत गौतमले ९१ रनको साझेदारी गरेपछि नेपालको इनिङ्स उकासिएको हो ।

२९.१ ओभरमा रीतले ५४ रनको अर्धतशकीय योगदान गरी आउट भएपछि नेपाल ११५/३ को स्थितिमा थिया । उनले ८५ बलमा ४ चौका प्रहार गरे ।

लगत्तै रोहित पनि ८० बलमा १ चौकाको सहयोगमा ४७ रन बनाएर आउट भए । त्यसपछि नेपालले निरन्तर विकेट गुमाएको हो । भीम सार्की (१), कुशल मल्ल (२), कमल सिंह ऐरी (२) र सागर ढकाल (१)ले अपेक्षाकृत प्रदर्शन गर्न सकेनन् । २२ बलमा १ छक्कासहित १५ रन जोडेका रशिद खान नटआउट रहे ।

श्रीलंकाका दिल्सान मधुशंका र नाभोद पारानाभिथानाले ३/३ विकेट लिए । रोहन सन्जय र एसियन ड्यानियलले १/१ विकेट बाँडे ।

जवाफमा ३३.४ ओभरमा श्रीलंकाले ५ विकेट गुमाएर १ सय ५९ रन बनायो । त्यसपछि वर्षाले खेल केहिबेर रोकिँदा श्रीलंकालाई विजयी घोषणा गरिएको हो ।

श्रीलंकाका ओपनर नाभोद पारानाभिथाना १२ रनको स्कोरमै रसिद खानको बलमा आउट भए पनि अर्का ओपनर कामिल मिश्राले ५५ रनको अर्धशतकीय योगदान गरे । रसिदकै बलमा भीम सार्कीको हातबाट क्याचआउट हुनुअघि उनले ६२ बलमा ३ चौका र २ छक्का प्रहार गरे ।

रसन्था डी सिल्भा १५ रनको स्कोरमै सागर ढकालको बलमा बोल्ड भए । अहन विक्रमासिंगेले ३६ बलमा २ चौकाको सहयोगमा ३० रन जोडे । कप्तान निपुन दनन्जयले १८ रन योगदान गरे । आभिस्का थारिन्दु २५ रनमा नटआउट रहे ।

बलिङमा न्पोलका रसिदले २ विकेट लिँदा पवन सर्राफ, कमलसिंह ऐरी र सागर ढकालले १/१ विकेट लिए । समूह बी मा रहको नेपालले आफ्नो दोस्रो खेल आइतबार बंगलादेशसँग खेल्नेछ । शुक्रबारै भएको खेलमा बंगलादेशले युएईमाथि ६ विकेटको जित रचेको थियो ।

प्रकाशित : भाद्र २०, २०७६ १८:२८
पूरा पढ्नुहोस्
प्रतिक्रिया
पठाउनुहोस्