तनहुँमा डेंगुका ९ बिरामी
दमौली — तनहुँमा डेंगुका ९ जना बिरामी भेटिएका छन् । इपिडिमियोलोजी तथा रोग नियन्त्रण महाशाखाले यसको पुष्टि गरेको हो । व्यास नगरपालिका र म्याग्दे गाउँपालिकाका व्यक्तिमा डेंगुको संक्रमण देखा परेको दमौली अस्पतालले जनाएको छ ।
साउन २४ मा पहिलोपटक एक जनामा डेंगु देखिएको थियो । साउनसम्म डेंगुका शंकास्पद १२ बिरामीको परीक्षण गरिएको अस्पतालका ल्याब असिस्टेन्ट विकास पौडेलले बताए ।
बिरामीमध्ये तीन जनाले भर्ना भएर उपचार गराएका थिए । नर्सिङ अधिकृत जमुना शर्माका अनुसार एक जनालाई घर र दुई जनालाई पोखरा पठाइएको थियो ।
प्रकाशित : भाद्र १४, २०७६ १९:४९प्रतिक्रिया