तनहुँमा डेंगुका ९ बिरामी

कान्तिपुर संवाददाता

दमौली — तनहुँमा डेंगुका ९ जना बिरामी भेटिएका छन् । इपिडिमियोलोजी तथा रोग नियन्त्रण महाशाखाले यसको पुष्टि गरेको हो । व्यास नगरपालिका र म्याग्दे गाउँपालिकाका व्यक्तिमा डेंगुको संक्रमण देखा परेको दमौली अस्पतालले जनाएको छ ।

साउन २४ मा पहिलोपटक एक जनामा डेंगु देखिएको थियो । साउनसम्म डेंगुका शंकास्पद १२ बिरामीको परीक्षण गरिएको अस्पतालका ल्याब असिस्टेन्ट विकास पौडेलले बताए ।


बिरामीमध्ये तीन जनाले भर्ना भएर उपचार गराएका थिए । नर्सिङ अधिकृत जमुना शर्माका अनुसार एक जनालाई घर र दुई जनालाई पोखरा पठाइएको थियो ।

प्रकाशित : भाद्र १४, २०७६ १९:४९
ADVERTISEMENT
ADVERTISEMENT
प्रतिक्रिया
पठाउनुहोस्

डाँका समूहद्वारा लुटपाट

कान्तिपुर संवाददाता

महोत्तरी — मनरासिसवा नगरपालिका ३ सुनौलमा हतियारधारी डाँका समूहले दुई परिवारको घरबाट लाखौको धनमाल लुटेको छ । डाँकाको आक्रमणबाट एकजना घाइते छन् ।

शुक्रबार राति ८/९ जनाको संख्यामा घरेलु हतियारसहित आएको समूहले परिवारलाई कब्जामा लिई लुटपाट गरेको पीडितले जनाएका छन् ।

डाँका समूहले सुरुमा रामलोचन राउतको घरमा प्रवेश गरी लुटपाट मच्चाएका थिए । प्रतिकारमा उत्रेका घरमूली राउतमाथि समूहले बञ्चरोले प्रहार गर्दा उनको बयाँ खुट्टामा गहिरो घाउ लागेको छ ।

लगत्तै छिमेकी सियारामशरण राउतको घरमा लुटपाट मच्चाएका थिए । गाउँलेहरु प्रतिकारमा उत्रेको भेउ पाएर समूह धनमाल लिएर भागेको प्रत्यक्षदर्शीले जनाए ।

स्थानीय देवेन्द्र यादवका अनुसार १५/२० मिनेटभित्रै समूह लुटपाट गरेर भागिसकेको थियो । २ लाख ५० हजार नगद, ६ तोला सुन र ६० तोला चाँदीका गहनालगायत १० लाखबढीको धनमाल लुटेको दुवै पीडितले जनाएका छन् ।

प्रकाशित : भाद्र १४, २०७६ १९:३४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×