चोरी अभियोगमा दुई चिनियाँ पक्राउ
काठमाडौँ — टर्किस एयरलाइन्सभित्र चोरी गरेको अभियोगमा दुई चिनियाँ नागरिकलाई प्रहरीले पक्राउ गरेको छ । प्रहरीका अनुसार चिनियाँ नागरिकहरू ए क्युवेई र हु झिङजोङ शनिबार बिहान पक्राउ परेका हुन् ।
टर्किस एयरलाइन्सबाट बुधबार काठमाडौं आएकी डेनमार्क नागरिकको जहाजभित्रै सुन र नगद चोरी भएको थियो । त्यसपछि खोजी गर्नेक्रममा प्रहरीले शनिबार बिहान टर्किस एयरलाइन्सबाट स्तानबुल जान लागेका उनीहरूलाई चोरी भएको सुनको बाला २ थान र विभिन्न देशका मुद्रासहित पक्राउ गरेको हो ।
यस सम्बन्धमा महानगरीय प्रहरी वृत्त गौशालाले थप अनुसन्धान गरिरहेको प्रहरीले जनाएको छ ।
प्रकाशित : भाद्र ८, २०७६ २०:४३प्रतिक्रिया