महिलालाई उद्यमशील बनाइनुपर्नेमा जोड

'महिलाको पहुँच आर्थिक सक्षमतासँग जोडिएको हुन्छ । ' राजधानीमा आइतबार आयोजित एक कार्यक्रममा उनले भनिन् ,' व्यावसायिक उद्यम नै महिला सक्षम हुने एउटा गतिलो आधार हो । '

मन्त्री थापाले राजनीतिक तहमा महिलाहरुको सहभागिता बढ्दै गएपनि लैंगिक असमानता र पछ्यौटेपना अहिले पनि समाजमा यथावत नै रहेको बताइन् । उनले भेदभाव उन्मुलन गर्नका लागि आर्थिक पहुँचको मुलधारमा ल्याउन संविधानमा उल्लेखित व्यवस्था अनुसार महिला सशक्तिकरणमा जोड दिने बताइन् । यसका लागि विदेशी साझेदारी सहयोगीहरुसँग लघुउद्यम, सहकारी, उद्योगहरु सञ्चालनमा सहयोग गर्ने प्रतिबद्धता जनाइन् ।

स्थानीय सरकार र प्रदेश सरकारलाई परिचालन गरेर व्यावसायिक वातावरण तयार गर्ने मन्त्री थापाको भनाइ छ ।

नेपालमा भेदभावजन्य कानुन, सूचना प्रविधिमा पहुँचको अभाव, भेदभावजन्य सामाजिक मूल्य मान्यताले गर्दा महिला स्वामित्व तथा उद्यमशिलतामा बाधक बन्ने गरेको उनले बताइन् ।