रवी लामिछानेसहित ३ जनालाई अनुसन्धानको लागि ५ दिन हिरासतमा राख्न म्याद थप

रमेशकुमार पौडेल

चितवन — जिल्ला अदालत चितवनले पत्रकार रवी लामिछानेसहित ३ जनालाई अनुसन्धानका लागि भन्दै ५ दिन हिरासतमा राख्न म्याद दिएको छ । न्यायाधीश विनोदकुमार शर्माले बिहीबारदेखि नै लागू हुनेगरी ५ दिन हिरासतमा राख्न म्याद दिएका हुन् । शुक्रबार बिहान भएको बहसको आधारमा रवीसहित ३ जनालाई अनुसन्धानको लागि म्याद दिइएको हो । तीनैजना प्रहरी हिरासतमा रहनेछन् ।

तस्बिर स्रोत : रवी लामिछानेको फेसबुकबाट

प्रहरीले बिहीबार बेलुकी टेलिभिजन कार्यक्रम प्रस्तोता लामिछानेलाई कार्यालयबाटै पक्राउ गरेर चितवन लगेको थियो। चितवन र काठमाडौं प्रहरी परिसर टोलीले लामिछाने र पत्रकार युवराज कँडेललाई बिहीबार पक्राउ गरेको थियो।
लामिछाने र कँडेललाई अर्का पत्रकार शालिकराम पुडासैनीको आत्महत्यामा दुरुत्साहन गरेको अभियोगमा अनुसन्धानका लागि नियन्त्रणमा लिएको थियो। आत्महत्या दुरुत्साहन अभियोगमा अस्मिता कार्कीलाई बिहीबार दिउँसै प्रहरीले नियन्त्रणमा लिएको थियो।

प्रकाशित : श्रावण ३१, २०७६ १५:१२
प्रतिक्रिया
पठाउनुहोस्

अरुण खोलाको पुल भाँच्चिदा यात्रुलाई हैरानी, भन्छन् - '६० घण्टा हुँदा पनि जाम खुलेन, कसले खुलाउने हो जाम ?'

नारायण शर्मा

कावासोती — पूर्वपश्चिम महेन्द्र राजमार्गको अरुणखोला पुल भाँचिएपछि निमार्ण गरिएको डाइभर्सन सडकमा एकतर्फीमात्र गाडी सञ्चालन हुँदा २५ किलोमिटर भन्दा लामो जाम भएको छ । बुधबार बिहान ४ बजे कावासोतीबाट बुटवलतर्फ जाँदै गरेको ना६ख ४७१ नम्बरको ट्रक पुलमा ठोक्किएका कारण पुलको दाहिने तर्फको भाग केही तल भासिएको थियो । घण्टौंको जामले यात्रुहरुले सास्ती खेप्नु परेको छ ।

बिहीबार राति र शुक्रबार बिहान पानी परेका कारण अरुणखोलामा राजमार्गबाट दक्षिणमा बनाइएको डाइभर्सन पार गर्न धेरै समय लाग्ने गरको छ। अरुण खोलाको दुवैतिर जंगल भएकोले जाममा परेका यात्रुले भोकभोकै समय कटाउनु परेको छ । सम्बन्धित निकायले यो समस्यालाई हल्का लिएका कारण पुल भाँच्चिएको करिव ६० घण्टा हुन लाग्दा पनि जाम खुल्न नसकेको आरोप यात्रुले लगाएका छन् ।

काठमाडौंबाट नवलपरासीको सुनवल हिँडेकी पार्वती तिमिल्सिनाले भनिन्, 'यस्तै समस्या काठमाडौं तिर भएको भए । उहिल्यै समाधान भइसक्थ्यो तर यहाँ कसैको ध्यान गएको छैन । भाँच्चेको पुल कहिले बनेर यातायात सुचारु हुन्छ ? हामीले कैलेसम्म दुःख पाउन पर्ने हो सरकार ?'

बालबालिका, बिरामी, वृद्धलाई जामले झन् हैरानी पारेको छ । सिकिस्त बिरामी बोकेर कुदेको एम्बुलेन्स समेत जाममा परेको छ । यस्तै फलफूल र तरकारी बोकेका सवारीसाधन पनि जाममा पर्दा तरकारी र फलफूल कुहिने पीरले व्यापारीलाई चिन्ता थपेको छ । नजिकका यात्रु हिँडेरै र टाढाका यात्रुले सवारीसाधन फेरेर जाने गरेका छन् । तर ड्राइभर तथा सहचालक सवारीसाधनमा भोकभोकै बस्नुपरेको गुनासो गरेका छन् । बुधबार बिहानदेखि जाममा परेका सवारीसाधन शुक्रबार बिहान वारपार गर्न पाए ।

अरुण खोलामाथि बनाइएको अस्थायी डाइभर्सन एकातर्फी सञ्चालन भएपनि सवारीसाधनको उछिनपाछिनले झन् समस्या थपिएको छ ।


प्रकाशित : श्रावण ३१, २०७६ १४:५८
पूरा पढ्नुहोस्
प्रतिक्रिया
पठाउनुहोस्