युवतीमाथि सामूहिक बलात्कार

अवधेशकुमार झा

राजविराज — सप्तरीको राजविराज नगरपालिका ९ मलेठमा एक युवतीको सामूहिक बलात्कार भएको छ । बलात्कार गरेको आरोपमा प्रहरीले दुईजनालाई नियन्त्रणमा लिएको छ । 


युवतीलाई बालात्कार गरेको अभियोगमा प्रहरीले स्थानीय २४ वर्षीय रमनलाल दास र २२ वर्षीय रोसनकुमार यादवललाई पक्राउ गरको हो। उनीहरुले २० वर्षीय ती युवतीलाई ललाईफकाई गरेर बुधबार बिहान ४ बजे स्थानीय मन्दिरको पछाडी लगेर पालैपालो बलात्कार गरेको जिल्ला प्रहरी कार्यालय सप्तरीका प्रहरी नायब उपरीक्षक भावेश रिमालले जानकारी दिए।

युवतीले उक्त घटना लगत्तै परिवारमा बताएपछि परिवारका सदस्यले प्रहरीमा खबर गरेका थिए। प्रहरीले आरोपीहरु रमन र रोशनलाई बुधबार नै पक्राउ गरेर बिहीबार जिल्ला अदालतबाट म्याद थप गरी अनुसन्धान अघि बढाएको छ।

पीडित युवतीको गजेन्द्रनारायण सिंह सगरमाथा अस्पताल राजविराजमा स्वास्थ्य परीक्षण गरिएको छ। स्वास्थ्य परीक्षणको प्रारम्भिक रिर्पोट अनुसार उनको जबरजस्ती करणी भएको पुष्टि भएको रिमालले जानकारी दिए। स्वास्थ्य जाँचपछि अहिले युवती आफन्तको घरमा गएकी छन्।

प्रकाशित : श्रावण २३, २०७६ २१:००
प्रतिक्रिया
पठाउनुहोस्

प्रधानमन्त्री आइतबारमात्रै स्वदेश फर्कने

कान्तिपुर संवाददाता

काठमाडौँ — प्रधानमन्त्री केपी शर्मा ओली सिङ्गापुरमा स्वास्थ्य परीक्षण सकेर आइतबार स्वदेश फर्कने भएका छन् । प्रधानमन्त्रीका प्रेस सल्लाहकार डा कुन्दन आर्यालले आइतबार अपराह्न प्रधानमन्त्री स्वदेश फर्कने कार्यक्रम रहेको जानकारी दिए ।  

“शुक्रबार आउनुहुन्छ कि भन्ने थियो, तर स्वास्थ्य परीक्षण भइरहेको छ, चिकित्सकसँगको परामर्शपछि उहाँ आइतबार मात्रै आउनुहुन्छ”, डा अर्यालले भने । यसअघि उनी नियमित स्वास्थ्य परीक्षण गराउन थाइल्यान्डमा गएका थिए ।
प्रधानमन्त्री ओलीको सिङ्गापुरस्थित नेशनल युनिभर्सिटी हस्पिटलमा स्वास्थ्य परीक्षण भइरहेको छ । उनी नियमित स्वास्थ्य परीक्षणका लागि यही साउन १८ गते त्यसतर्फ गएका थिए ।

प्रधानमन्त्रीका साथमा उनकी धर्मपत्नी राधिका शाक्य, मुख्य राजनीतिक सल्लाहकार विष्णुप्रसाद रिमाल, निजी चिकित्सक डा दिव्यासिंह शाह, स्वकीय सचिव राजेश बज्राचार्यसहित नौ सदस्य सहभागी छन् ।

प्रकाशित : श्रावण २३, २०७६ २०:५४
पूरा पढ्नुहोस्
प्रतिक्रिया
पठाउनुहोस्