लेदोले पृथ्वीराजमार्ग अवरुद्ध

कान्तिपुर संवाददाता

धादिङ — पृथ्वीराजमार्ग अवरुद्ध भएको छ ।  मुग्लिन-नौबिसे सडकखण्डअन्तर्गत चितवन र धादिङको सिमानामा पर्ने धादिङको बेनीघाट रोराङ गाउँपालिका–१० स्थित जवाङ खोला नजीकै माथिबाट झरेको लेदोले सडक पुरिएपछि आज दिउँसो साढे १२ बजेदेखि सडक अवरुद्ध  भएको हो । 

डोजर लगाएर लेदो पन्छाउने काम भइरहेको जिल्ला प्रहरी कार्यालयले जनाएको छ । लेदो झरेर सडक अवरुद्ध भएपछि सवारी साधनहरू बीच बाटैमा रोकिएका छन् । सो स्थानमा पानी परेपछि माथिबाट आएको लेदोले पटक–पटक सडक अवरुद्ध गर्दै आएको छ

प्रकाशित : असार २७, २०७६ १६:२४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

संघीयता कार्यान्वयनमा बारको भूमिका महत्त्वपूर्ण : मुख्यमन्त्री राउत

कान्तिपुर संवाददाता

धनुषा — मुख्यमन्त्री लालबाबु राउतले संघीयता कार्यान्वयनको लागि नेपाल बार एसोसिएसनको भूमिका महत्त्वपूर्ण रहेको बताएका छन् । 

नेपाल बार एसोसिएसन केन्द्रीय कार्यालयले शुक्रवार जनकपुरमा आयोजना गरेको प्रदेश स्तरीय परामर्श बैठकमा मुख्यमन्त्री राउतले संविधानमा स्पष्ट रहेका व्यवस्थाहरूमा पनि तीनै तहका सरकारबीच मतभिन्नता भई रहेकोले स्पष्ट व्याख्या गर्न बारको भूमिका महत्त्वपूर्ण रहेको उल्लेख गरे ।

‘अधिवक्ताहरुले पनि दलीय भावना अनुरूप अभिव्यक्ति दिनु चिन्ताको विषय हो’, मुख्यमन्त्री राउतले भने,‘कानुनको रक्षाको जिम्मेवारी बोकेका अधिवक्ताहरुलाई दलीय भावनाबाट माथि उठ्नुपर्छ ।’

प्रकाशित : असार २७, २०७६ १५:५४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT