लेदोले गल्छीमा फेरि राजमार्ग ठप्प
धादिङ — वर्षाले बगाएर ल्याएको बालुवा र लेदोका कारण शनिबार पृथ्वी राजमार्ग अन्तर्गत धादिङकाे गल्छी–बैरेनीमा सडकखण्ड ठप्प भएको छ । गल्छीको गर्दुखोलादेखि बैरेनीको महेशदोभानसम्म करिब डेढ किलोमिटर बालुवा र लेदो भरिएकाे छ ।
गत शुक्रबार पनि लेदोका कारण ११ घण्टा राजमार्ग अवरुद्ध भएकाे थियाे । स्थानीय बालुवा व्यापारीले डोजर प्रयोग गरि बालुवा झिके पछि राजमार्ग संचालनमा आएको थियो ।
शनिबार पनि गल्छी गाउँपालिका अध्यक्ष कृष्णहरि श्रेष्ठको बालुवाखानी हुँदै आएको लेदो र रातोमाटोले बैरेनी महेशदोभान खोला पूरै भरिएको छ ।
राजमार्ग बिहानै देखि जाम भएको छ । लेदो हटाउने प्रयास भैरहेको बैरेनीस्थित प्रहरी चौकी इन्चार्ज सई जनक बस्नेतले बताए ।
प्रतिक्रिया
