गेजुवा सम्पर्कमा छैन : ऊर्जा मन्त्री 

‘गेजुवासँग तीन राउन्ड वार्ता भयो,वार्ता अनुसार सामान्य छलफल भयो,’ उनले भने,‘ छलफलपछि गेजुवा फर्किएर आएको छैन । त्यसैले गेजुवालाई ठेक्का दिन लागियो भन्न मिल्दैन ।’ ०७५ असोज १४, ०७५ पुस ३ र ४ मा गेजुवासँग आयोजना निर्माण्का सम्बन्धमा वार्ता भएको थियो ।

‘वार्तापछि फ्रेम वर्क एग्रिमेन्टको प्रक्रिया मोटामोटी रूपमा टुंग्याई क्याबिनेटमा पठाउने गरी अर्थ मन्त्रालय र कानुन मन्त्रालयमा हस्ताक्षर गर्न पठाइयो,’ उनले भने,‘ कुरा चल्दाचल्दै पुसदेखि गेजुवा आएको छैन । यति ठुलो लगानीकर्ता पक्कै पनि हामीलाई पर्खिएर बसेको छैन होला, कता गयो थाहा छैन ।’

सरकार र मन्त्रालयको प्राथमिकता मुआब्जा निर्धारण गरी काम अगाडी बढाउने भन्ने रहेको बताए । ‘बजेटको अभाव छैन, अर्को वर्ष मुआब्जाको समस्या सक्छौँ,’ उनले भने,‘ यो बेलासम्म कस्तो बनाउने भनेर मोडालिटि पनि तयार हुन्छ , यो आयोजना हामी बनाउँछौँ, बनाउने गरी नै काम भइरहेको छ ।’

मन्त्री पुनले १२ सय मेगावाटमै आयोजना बन्ने स्पष्ट पारे । गेजुवा चीनको सरकारी स्वामित्वमा रहेको कम्पनी हो । बुढीगण्डकी जल विद्युत् आयोजना गोरखा र धादिङमा पर्छ ।