आदेश पालना नगरेको आरोपमा मालपोत अधिकृतलाई ५ हजार जरिवाना 

हाल डिल्लीबजार मालपोत कार्यालयको प्रमुखमा भेषराज मरासिनी छन् ।

काठमाडौं महानगरपालिकाले शहिद धर्मभक्त माथेमाको नाममा पार्क बनाउने योजना बनाएको थियो । ओमी अमात्यले निवेदन दिएको उक्त मुद्दा जग्गा खिचलोको हो । उक्त जग्गा आफ्नो नाममा भएको भन्दै केही व्यक्तिले उच्च अदालत पाटनमा निवेदन दिए र अन्तरिम आदेश पाए । जग्गाको विवरण पटक-पटक माग्दासमेत मालपोत कार्यालयले कुनै जवाफ नदिएको भन्दै उच्च अदालतले प्रमुखलाई जरिवाना तोकी उपस्थित हुन आदेश गरेको हो । अदालतको आदेशमा भनिएको छ, 'आदेश अनुसार काम सम्पन्न गरी उल्लेखित जरिवाना रकमसमेत बुझाउन ७ दिनभित्र आफै यस अदालतमा उपस्थित हुन आउनु भनी पत्राचार गरी पेस गर्नुहोला ।' २०७५ असार १८ गतेदेखि चैत ३ गतेसम्म उच्च अदालत पाटनले फाइलका लागि ५ पटक पत्र पठाइसकेको छ ।