ओमनसँग श्रम सम्झौताको मस्यौदामा सहमति

होम कार्की

काठमाडौँ — नेपाल र ओमनबीच गर्ने भनिएको श्रम सम्झौताको मस्यौदामा दुई पक्षीय सहमति शुक्रबार भएको छ । नेपाल र ओमनका उच्चस्तरीय श्रम अधिकारीहरु संलग्न प्राविधिक टोलीको बिहीबार शुक्रबार काठमाडौंमा सम्पन्न बैठकले श्रम सम्झौताको मस्यौदामा सहमति भएको हो । सहमति भएको मस्यौदामा दुवै देशका अधिकारीहरुले हस्ताक्षर गरेको छ ।

बैठकमा सहभागी नेपाली अधिकारीहरु अनुसार अब दुई देशको मन्त्रीस्तरीय बैठकले पारित गरेपछि श्रम सम्झौतामा हस्ताक्षर हुने भएको छ । हस्ताक्षर यथासक्य छिटो हुनेछ । सम्झौताले नेपाली श्रमिकको लागत खर्च रोजगारदाताले ब्यहार्ने, कार्यस्थलको सुरक्षा, न्यायमा सहज पहुँचलगायत विषयमा सहमति जुटेको हो ।


नेपाली कामदारलाई शून्य लागतमा वैदेशिक रोजगारीमा पठाउने सरकारले नीति लिने घोषणा भएकै दिन ओमनसँग सहमति जुटेको हो । ओमनमा झन्डै १५ हजार नेपाली कार्यरत छन् । जसमध्ये ९० प्रतिशत घरेलु सेवाअन्तर्गत कार्यरत छन् ।


नेपाल र ओमनबीचको सम्बन्धलाई सुदृढ र नेपाली कामदारको हितमा काम गर्न सरकारले पहिलोपटक दुई वर्षअघि राजदूत पठाएको हो । हाल ओमनको लागि नेपाली राजदूत शर्मिला पराजुली ढकाल रहेकी छिन् ।


प्रकाशित : वैशाख २०, २०७६ १८:५२
प्रतिक्रिया
पठाउनुहोस्

बर्दियामा हुरीले ८० घरमा क्षति

कमल पन्थी

बर्दिया — बर्दियाको बाँसगढी नगरपालिका-२ मा गएराति आएको हुरीले ८० वटा घरमा क्षति पुर्‍याएको छ । राझासिमल र वनमुढुवा गाउँमा आएको हुरीले घरको छानो उडाएको छ । खरको छानो, टायल र जस्ता उडाएको नगरपालिकाका मेयर शालिकराम अधिकारीले जानकारी दिएका छन् । 

हुरी आएपछि भाग्ने क्रममा ३ जना घाइते भएका छन् । राढा शाही, अस्मिता शाही र अनुजा शाहीको खुट्टf, छाती र हातमा चोट लागेको छ । उनीहरुलाई कोहलपुरको एक अस्पतालमा उपाचार्थ लगिएको छ । वडाध्यक्ष घमण्ड चन्दका अनुसार राति हुरी गएपनि जिल्ला प्रशासनमा भने शुक्रबार दिउँसो ४ बजे मात्रै जानकारी गराइएको थियो ।

चन्दले भने, 'एकमिनेट जित आएको हुरीले सयवटा भन्दा रुख ढलेका छन् । रातिदेखि गाउँलेहरु उद्दारमा लागेकाले समयमा नै सम्बन्धित निकायमा खबर गर्न पाइएन ।'

बर्दिया राष्ट्रिय निकुञ्जसँग जोडिएको उक्त गाउँमा बिजुली छैन । वर्दियाको विकट गाउँ मानिने दुई गाउँमा अहिले सशस्त्र र नेपाल प्रहरीको संयुक्त टोलीले उद्दार गरिरेहेको छ ।

प्रमुख जिल्ला अधिकारी रामबहादुर कुरुङबाङका अनुसार प्रहरी घटनास्थल पुगिसकेको र हुरीबाट प्रभावितको गणना तथा क्षतिबारे तथ्यांक संकलन गर्ने काम भइरहेको छ।

उनले भोलिबाट त्रिपाल तथा प्रतिघर १० हजार रुपैयाँ राहतस्वरुप दिइने जानकारी दिए । उनले भने, 'जिल्ला विपत् व्यवस्थान समितले १० हजार दिने भनेको छ । थप विवरण संकलन भइरहेको छ ।'

प्रकाशित : वैशाख २०, २०७६ १८:३९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×