रौतहटको फतुवा विजयपुरमा कांग्रेस विजयी   

नगर उपप्रमुखमा कांग्रेसकै उम्मेदवार अमवेया खातुन विजयी भएकी छन् । खातुनले निर्वमान नगर उपप्रमुख कान्ति देवीलाई १ हजार ४९४ मतान्तरले पराजित गरिन् । खातुनले ५ हजार १६२ मत प्राप्त गरिन् । निकटतम प्रतिद्वन्द्वी कान्तिले ३ हजार ६६८ मत पाइन् । २०७४ सालको स्थानीय तह निर्वाचनमा तत्कालीन माओवादीबाट उपप्रमुखमा जितेकी कान्ति एमाले प्रवेश गरेकी हुन् । उनी यस पटक पराजित भइन् ।

निर्वाचन अधिकृतको कार्यालयका अनुसार ११ वटा वडाहरु रहेको फतुवा विजयपुर नगरपालिकाको १, ३, ४, ५, ७, ८ र ९ वडाहरुमा कांग्रेसका वडाध्यक्षले जितेका छन् । २, ६ र १० नम्बरमा एमाले र वडा नम्बर ११ मा जसपाले जितेका छन् । १८ वटा नगरपालिका रहेको रौतहटको सबै मतगणना बुधबार साँझ सकिएको निर्वाचन कार्यालय गौरले जनायो ।