विवादमा अरिजित

आयोजकहरू तुरुन्तै स्टेजमा आएर उनको माइक मिलाइदिन्छन् । यद्यपि, अरिजित रौद्र मुद्रामै रहेको प्रस्ट देखिन्छ । उनी गितार बजाउँदै स्टेज कभर गर्छन् । अचम्म त के भने उनको गायन समेत साह्रै खस्किएको सुनिन्छ, झुर गाएका छन् । साढे एक मिनेटको भिडियोलाई लिएर भारतका सामाजिक सञ्जाल प्रयोगकर्ताहरूले अनेक ट्रोल र मिमहरू बनाइरहेका छन् । उनले दर्शकसामु रिस नदेखाएको भए राम्रो हुने सल्लाह दिइएको छ ।

अरिजित धेरै पटक विवादमा फसिसकेका छन् । सलमान खानसँगको खटपट सर्वविदितै छ । सलमान आफ्ना फिल्ममा अरिजितका गीत राख्दैनन् । ‘सुलतान’ मा अरिजितको गीत हटाइदिएका थिए । तर, सलमानले नराखे पनि पछिल्लो समय बलिउडका अधिकांश फिल्ममा अरिजितको स्वर अनिवार्य जस्तै हुने गरेको छ । उनले गाएका सबै गीत चल्छन् पनि । उनलाई ‘किङ अफ हिन्दी म्युजिक’ भन्न थालिएको छ ।

सन् २००५ को एउटा रियालिटी सोमा भाग लिँदा उनी उत्कृष्ट पाँचमा पनि परेका थिएनन् । त्यसपछि उनले गुजारा चलाउन प्रितम चक्रवर्ती, विशाल शेखरजस्ता संगीत निर्देशकसँग काम गरे । उनी डमी गाउने, प्रोग्रामिङ गर्ने लगायत काम गर्थे । पश्चिम बंगालको

सानो गाउँमा जन्मिएका उनलाई प्रितमले नै प्लेब्याक सिंगिङमा उतारेका हुन् । कर्ली कपाल र दाह्रीवाला लुक्सबारे प्रश्न सोध्दा उनी भन्छन्, ‘फुर्सद नभएर छाँटकाट नगरेको हो । तर, म यस्तै भयानक हुलियामै हुन्छु प्राय: ।’

धेरैजसो शान्त र लजालु स्वभावमा देखिने उनले स्टेजमै मुख छाडेको दृश्य अनौठो मानिएको छ । यद्यपि, भिडियो पुरानो भएकाले अरिजितले अब त सार्वजनिक स्थलमा कसरी प्रस्तुत हुनुपर्छ भन्नेबारे सिकिसकेको अनुमान गर्न सकिन्छ ।