पाकिस्तानमा आज आम निर्वाचन

राेयटर्स

लाहोर — पाकिस्तानमा बुधबार आम निर्वाचनको मतदान सुरु भएको छ । यो पटकको निर्वाचनमा पूर्व क्रिकेटर इमरान खान र हाल कैदी जीवन बिताइरहेका पूर्व प्रधानमन्त्री नवाज सरिफको पार्टीबीच तिव्र प्रतिष्पर्धा हुने अपेक्षा गरिएको छ ।

हाल सत्ता सञ्चालनमा नै रहेका दलका नेता सरिफ भ्रष्टाचारको आरोपमा जेल चलान भएपछि त्यहाँको सेनाले पनि खानको पार्टीलाई समर्थन दिएको बताइएको छ । पाकिस्तानमा सेनाको सरकार नरहेको एक दशक पुगे पनि यो पटकको निर्वाचनमा सेनाको हस्तक्षेप रहने अनुमान गरिएको छ ।


केही समय यताको मत सवेक्षणमा पूर्व क्रिकेटर खान केही अगाडि देखिएपनि निर्वाचनको नतिजा भने सबैभन्दा धेरै जनसंख्या भएको पंजाब राज्यले तय गर्ने छ । उक्त स्थानको मत सर्वेक्षणमा भने अहिले पनि सरिफ नै अगाडि देखिएका छन् ।


त्यसैले पनि अन्तिम नतिजा नआउनजेल पाकिस्तानमा नयाँ सरकार कुन पार्टीको भन्छ भनेर यकिन गर्न मुस्किल छ । मतदान पाकिस्तानी समय अनुसार बेलुका ६ बजेसम्म चल्ने छ ।


निर्वाचनलाई मध्यनजर गर्दै पाकिस्तानभर नै सुरक्षाव्यवस्था मजबुत बनाइएको दाबी गृह तथा रक्षा मन्त्रालयका अधिकारीहरुले बताएका छन् ।

प्रकाशित : श्रावण ९, २०७५ ०९:५१
प्रतिक्रिया
पठाउनुहोस्

पोल्यान्ड–कोलम्बिया

राेयटर्स

कजान — मिडफिल्डर कार्लोस सान्चेजमाथि ज्यानमार्ने धम्कीको अनुसन्धानले तयारी छायाँमा परेको कोलम्बियाले जित्नैपर्ने दबाबसहित विश्वककपको समूह ‘एच’ मा आइतबार पोल्यान्डको सामना गर्दै छ ।

विश्वकप १९९४ मा आत्मघाती गोल गरेका आन्द्रेस एस्कोबारको गोली हानेर हत्या गरिएको थियो । जापानसँग २–१ ले हारेको खेलमा तेस्रो मिनेटमै रातो कार्ड पाएका सान्चेजलाई पनि त्यस्तै गर्ने धम्की सामाजिक सञ्जालमार्फत् दिइएको छ । पेनाल्टी क्षेत्रमा हातले बल रोक्दा रातो कार्ड दिइएका सान्चेजले आइतबार कजानमा पोल्यान्डविरुद्ध हुने खेल गुमाउने छन् ।

जोसे पेकरम्यानको टिमले कजानमा क्याम्पबाहिरै निजी तबरले शुक्रबार प्रशिक्षण गरेको थियो । उनको टिम प्रतिक्रियालाई साबित गर्ने कोलम्बियाली प्रहरीलाई छाडेर पोल्यान्डविरुद्ध खेल्नका लागि तयारीमा छ । पोल्यान्ड पहिलो खेलमा सेनेगलसँग २–१ ले हारेको थियो ।

स्टार खेलाडी हामेस रोड्रिग्वेजको फिटनेसलाई लिएर प्रश्न उठिरहेको छ । खुट्टाको चोटमुक्त भएका उनलाई जापानविरुद्ध सब्स्टिच्युटको रूपमा प्रयोग गरिएको थियो । अर्जेन्टिनी पेकरम्यानले विश्वकप २०१४ का गोल्डेन बुट विजेता रोड्रिग्वेजलाई आठौं वरीयताको टिमविरुद्ध सुरुबाटै खेलाउने सम्भावना छ । उनीसँगै मिडफिल्डमा सहकर्मी जुआन क्विन्ट्राओ हुनसक्छन् । सान्चेजको अनुपस्थितिमा मार्टियस युरेबीदेखि मिडफिल्डमा जेफरसन लेरमाका लागि ढोका खुला भएको छ ।

प्रकाशित : असार १०, २०७५ ०८:५५
पूरा पढ्नुहोस्
प्रतिक्रिया
पठाउनुहोस्