बेसीसहर र लालीगुराँसको जित
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
लमजुङ — नेपालकै ‘सुखी गाउँ’ घलेगाउँमा जारी ‘सातौं स्मार्ट भिलेज आमन्त्रित गोल्ड कप’ फुटबल प्रतियोगितामा आइतबार डिफेन्डिङ च्याम्पियन बेसीशहर युथ सोसाइटी शेरा र लालीगुराँस युवा क्लब भुजुङले अग्रता लिएका छन् । घलेगाउँको स्वर्गभूमि रंगशालामा पहिलो खेलमा बेसीसहर युथ सोसाइटीले नेपाल युनाइटेड तनहुँलाई पराजित गर्यो ।
![](https://assets-cdn.ekantipur.com/uploads/source/ads/900x100-1172024092759.gif)
![बेसीसहर र लालीगुराँसको जित](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sports/4355003764739774916255665965187123816547096n-1442024040808-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
निर्धारित समयमा १-१ गोलको बराबरी भएपछि खेल ट्राइवेकरमा धकेलिएको थियो । खेल अवधिमा नेपाल युनाइटेडका खेलाडी आकाश थपलियाले १ गोल गरेकोमा बेसीसहर युथ सोसाइटीका विदेशी खेलाडी ग्लोरीले हेड मार्फत सुसाइट गोल गरेका थिए । ट्राइवेकरमा बेसीशहर युथ सोसाइटी शेराले ५–४ गोल गर्दै नेपाल युनाइटेड तनहुँलाई पराजित गर्यो ।
दोस्रो खेलमा लालीगुँरास युवा क्लव भुजुङले भरतपुर–२४ भरतपुरलाई ४-० गोल अन्तरले पाखा लगायो । खेलको पहिलो हाफमा गोलरहित बराबरी खेलेकोमा दोस्रो हाफमा लालीगुराँसँ युवा क्लबका सन्तोष खत्रीले पहिलो गोल गरेका थिए ।
त्यसैगरी, विदेशी खेलाडी फोडे फोफनाले लालीगुराँस युवा क्लवलाई अग्रता दिलाउनका लागि दुई गोल गरेका थिए । लालीगुराँसकै अफिज ओलावाले १ गोल गरेका थिए । सोमबारको पहिलो खेल भुइखेल फुटबल क्लव काठमाडौ र त्रिवेणी युवा क्लव बेसीसहर बीच बिहान साढे १० बजे हुनेछ ।
प्रतियोगितामा प्रथम पुरस्कार ५ लाख ५० हजार ५ सय ५५ रुपैयाँ, गोल्ड कप र मेडल र द्वितीय पुरस्कार ३ लाख ५० हजार ३ सय ५५ रुपैयाँ, कप र मेडल राखिएको छ । यतिका ठूलो राशीको पुरस्कार राखेर समुद्री सतहदेखि २ हजार १ सय मिटर उचाइमा आयोजना गरिने फुटवल प्रतियोगिता नेपालमै सम्भवतः पहिलो रहेको स्थानीयको दाबी छ ।
आयोजक पर्यटन व्यवस्थापन समिति स्मार्ट भिलेज घलेगाउँका अध्यक्ष प्रेम घलेले आमन्त्रण गरिएका टिमलाई निःशुल्क खाना बस्नको सुविधा दिइएको बताए । ग्रामीणस्तरमा खेलाउने लमजुङको हालसम्मकै सवैभन्दा ठूलो पुरस्कार राशीको फुटवल प्रतियोगिता पनि यही रहेको घलेले दावी गरे । प्रतियोगितामा सर्वाधिक गोलकर्ता र उत्कृष्ट खेलाडीलाई नगद १०-१० हजार रुपैयाँ र मेडल प्रदान गरिनेछ ।
![](https://assets-cdn.ekantipur.com/uploads/source/ads/900-x-100-0172024023126.gif)