स्वर्ण पदक विजेता श्रेष्ठ सम्मानित

मन्त्रालयमा बोलाएर श्रेष्ठलाई सम्मान गर्दै मन्त्री लिम्बूले स्वास्थ्यमा समस्या देखिए पनि शारीरिक व्यायाम हुँदै बडीबिल्डिङतर्फ अन्तर्राष्ट्रिय पदक विजेता बन्न सफल भएकोमा बधाई दिएका हुन् । उनले श्रेष्ठको जीवन प्रेरणादायी रहेको बताउँदै सरकारको तर्फबाट आवश्यक सहयोग गर्ने प्रतिवद्धता पनि व्यक्त गरे ।

स्वर्ण विजेता खेलाडी श्रेष्ठले ढिलै भए पनि सम्मान गरेकोमा खुशी व्यक्त गरिन् । उनले गत भदौमा काठमाडौंमा सम्पन्न ५५ औं एसियाली शारीरिक सुगठन तथा फिजिक स्पोर्ट्स च्याम्पियनसिपको ५५ केजी तौल समूहमा भारतीय खेलाडी सविता बानियाँलाई पराजित गर्दै स्वर्ण पदक हात पारेकी थिइन् ।