सिनवारीको उत्कृष्ट प्रदर्शनमा जनकपुर विजयी
काठमाडौँ — अफगानिस्तानका समिउल्लाह सिनवारीको उत्कृष्ट प्रदर्शनको मदतले जनकपुर रोयल्सले शनिबार नेपाल टी–ट्वान्टीमा विराटनगर सुपर किंग्सलाई सजिलै ४९ रनले हराएको छ । जनकपुरको यो चौथो जित हो र ८ अंकमा दोस्रो स्थानमा छ ।
विराटनगर भने ४ अंकमा सीमित रहेर चौथो स्थानमा छ । टीयू क्रिकेट मैदानमा पहिले ब्याटिङ गर्दै ‘प्लेयर अफ द म्याच’ सिनवारीको ४० बलमा ७८ रनको मद्दतले जनकपुरले ५ विकेटमा १ सय ८९ रन बनाएको थियो ।
नटआउट रहेका सिनवारीले चौका र ६ छक्का प्रहार गरे । जवाफमा विराटनगरले ७ विकेट गुमाएर १ सय ४० रनमात्र बनाउन सक्यो । सिनवारी बलबाट पनि चम्के र उनले आफ्नो लेग ब्रेक बलिङको मद्दतले २१ रन दिएर ३ विकेट लिए । विराटनगरका लागि हुसेन टलटको ४२ रन नै उच्च व्यक्तिगत स्कोर रह्यो ।
प्रकाशित : पुस १६, २०७९ १८:००प्रतिक्रिया
