दिवसले जिते दौड उपाधि
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
ताप्लेजुङ — तमु ल्होसार २०७९ को अवसरमा आयोजित मिनी म्याराथन नाम दिइएको ९ किमिको पुरुष दौड प्रतियोगिता दिवस लिम्बुले जितेका छन् । महिला ५ किमि दौडको उपाधि पेम्बाल्हामु शेर्पाले जितेकी छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![दिवसले जिते दौड उपाधि](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/sports/myarathankabijetapurus-29122022050705-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
फक्ताङलुङ गाउॅपालिका–३ लिंखिमका दिवसले १ घण्टा १५ मिनेटमा दुरी तय गरे । १ घण्टा १८ मिनेटबाट फक्ताङलुङ–३ कै सुगम पतङ्वा लिम्बु दोस्रो र १ घण्टा १९ मिनेटबाट मैवाखोला गाउॅपालिका–१ ढुंगेसाॅघुका दीपेन्द्र सुजी तेस्रो भए ।
उनीहरूलाई तोक्मेडाॅडास्थित सेनाको गुल्मदेखि सदरमुकाम फुङलिङबाट गुम्बाडाॅडा सुकेटार हुॅदै तोक्मे ब्यारेकसम्म दौडाइएको थियो । उनीहरूले क्रमश ः १२, १० र ५ हजार रुपैयाँ पुरस्कार पाए । मिक्वाखोला–३ लिवाङकी पेम्बाल्हामुले ५३ मिनेट ५७ सेकेन्डमा दुरी पार गरिन् । ५६ मिनेट ५१ सेकेन्ड लिएकी फुङलिङ नगरपालिका–९ हाङदेवाकी आरती गुरुङ दोस्रो भइन् । ५९ मिनेटबाट मिक्वाखोला–३ कै ङिमाजाङमु शेर्पा तेस्रो भइन् । महिला विजेताले ८, दोस्रोले ४ र तेस्राले ३ हजार रुपैयाँ पाए ।
तमु ल्होसार आयोजक समितिका सदस्य राजन गुरुङका अनुसार पुरुष भलिबल, दौड, चेसलगायतका प्रतियोगिता आयोजना गरिएको हो ।
तमु ल्होसारको अवसरमा ताप्लेजुङ सदरमुकाम फुङलिङमा आयोजित महिला दौड प्रतियोगिताका विजेताहरु । तस्बिर : आनन्द गौतम/कान्तिपुर
![](https://assets-cdn.ekantipur.com/uploads/source/ads/900-x-100-0172024023126.gif)