ओमसतिया स्टार्स १ सय ३८ रनले विजयी- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

ओमसतिया स्टार्स १ सय ३८ रनले विजयी

सन्जु पौडेल

तिलोत्तमा — रुपन्देहीमा जारी जुनियर क्रिकेट लिगको शुक्रबार भएको खेलमा ओमसतिया स्टार्स विजयी भएको छ । उसले तिलोत्तमा टाइटनलाई १ सय ३८ रनको फराकिलो अन्तरले हराएको हो ।

टस जितेर ब्याटिङ रोजेको ओमसतीयाका खेलाडीले ३६ दशमलव ३ ओभरमा सबै विकेट गुमाई २ सय २९ रन जोडे । जसमा आस्मान थारुले ४७, अयन खानले ३६ रन जोडे । बलिङमा तिलोत्तमाका सागर गैरेले ३ तथा विपर्सन केसीले २ विकेट लिए ।

ओमसति्यालाई पछ्याउँदै तिलोत्तमा टाइटनका खेलाडीले २३ दशमलब ३ ओभरमै अल आउट भई ९२ रन मात्र बनाउन सके । तिलोत्तमाका विपर्सन केसीले १६, लक्ष्मण कुमालले १० रन बनाएपनि अन्य ब्याट्सपर्सनले दोहोरो अंक जोड्न सकेनन् । टाइटनलाई सस्तैमा समेट्न बलिङ तर्फ ओमसतियाका अनिल यनदव र सुभम खनालले समान ४/४ विकेट लिए । खेलमा अनिल यादव म्यान अफ दम्याच घोषित भए ।

प्रतियोगितामा सिद्धार्थनगर वारियर्स, ओमसतिया स्टार्स, तिलोत्तमा टाइटन्स, बुटवल युनाइटेड, देवदह ड्रागन र जीबीआईसीए सैनामैना गरी ६ टिम सहभागी छन् ।

प्रकाशित : मंसिर ९, २०७९ २२:५२
प्रतिक्रिया
पठाउनुहोस्

माेरङ– २(१) मा गणेश उप्रेती विजयी

देवनारायण साह

माेरङ — मोरङ क्षेत्र २(१) मा सत्ता नेकपा माओवादी कन्द्रका उम्मेदवार गणेश उप्रेती विजयी भएका छन् । उनी ९६३ मतकाे अन्तरले प्रदेशसभा सदस्यमा विजयी भएका हुन् ।

उप्रेती १५ हजार ३३ मत ल्याई विजयी भएका हुन् । उनका निकटतम प्रतिद्वन्द्वी एमालेका दानबहादुर कार्कीले १४ हजार ६७८ मत प्राप्त गरेका छन् ।

अघिल्लाे प्रदेशसभा सदस्य निर्वाचनमा वाम गठबन्धन दलका उम्मेदवार उप्रेती कांग्रेसका शिवनारायण गनगाईसँग पराजित भएका थिए । यसपटककाे निर्वाचन उनले कांग्रेसकै सहयाेगमा प्रदेशसभा सदस्यमा निर्वाचित भएका हुन् ।

प्रकाशित : मंसिर ९, २०७९ २२:४५
पूरा पढ्नुहोस्
प्रतिक्रिया
पठाउनुहोस्
×