पीएम कप : फाइनलमा एपीएफको प्रतिद्वन्द्वी आर्मी

पहिले ब्याटिङ गरेको पुलिसले ४ विकेटमा ३ सय ४ रन बनाएकोमा आर्मीले त्यसलाई सफलतापूर्वक पछ्याउँदै ८ विकेटमा ३ सय ९ रन बनाएको हो । आर्मीको जित १ बलको खेल बाँकी छँदा सम्भव भएको हो ।

आर्मीका लागि रोहित पौडेलले ८९ र हरि चौहानले ७५ रन बनाए । यस्तै ‘प्लेयर अफ द म्याच’ राजेश पुलामीले ४३ रन थपे । पुलिसका करण केसीले ५२ रन खर्चेर ६ विकेट लिए पनि त्यो जितका लागि पर्याप्त रहेन । त्यसअगाडि पुलिसले दीपेन्द्रसिंह एैरीको १ सय ४० रनको मदतले ३ सय माथिको स्कोर खडा गर्न सकेको थियो । तर कप्तान दीपेन्द्रको उत्कृष्ट प्रदर्शन पराजित टिमका लागि रह्यो ।