सुरेशलाई लक्ष्मी बैंक गल्फ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सुरेश राणाले सातौं संस्करणको लक्ष्मी बैंक ओपन गल्फ प्रतियोगिता जितेका छन् । गोकर्ण गल्फ क्लबमा शनिबार सुरेश र किशोर बस्नेतले समान ४० स्टेबलफोर्ड अंक बटुलेका थिए । तर काउन्टब्याकको ब्याकनाइनमा २३ अंक जोडेकाले सुरेश विजेता बने । २० स्कोर गरेका किशोर उपविजेता बने ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![सुरेशलाई लक्ष्मी बैंक गल्फ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/golf-wiiners-06112022024031-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
महिलातर्फको उपाधि गीता गुरुङले जितिन् । निश्चयजंग रायमाझीले वेस्ट ग्रसको उपाधि जिते । उनले ३७ ग्रस अंक बटुले । ३६ स्कोर गरेका महेन्द्र मैनाली सिनियर विजेता बने । आङदोर्जे शेर्पा ३७ अंक बटुल्दै लक्ष्मी बैंकको ग्राहकतर्फ विजेता भए । जुयिनरतर्फ आइस्टिना टन्डन ४१ स्कोर गर्दै विजेता भइन् । क्याप्टेन नोर्बु शेर्पाले लङ्गेस्ट ड्राइभ, मिथुन राईले क्लोजेस्ट टु दी पिन र वाङ्चेन ढोन्डुपले सर्वाधिक बर्डिजको उपाधि जिते ।
१० औं होलमा होल इन वान गर्नेलाई हुन्डाईको कोना कार उपहार राखिएको थियो, तर कसैले होल इन वान गर्न सकेनन् । लक्ष्मी बैंकको प्रायोजनमा स्टेबल फम्र्याट ३/४
ह्यान्डिक्यापमा खेलाइएको प्रतियोगितामा १ सय १३ गल्फरले भाग लिएका थिए । विजेतालाई लक्ष्मी बैंकका प्रमुख रमण नेपाल, प्रमुख कार्यकारी अधिकृत अजयविक्रम शाह, गोकर्ण गल्फ क्लबका अध्यक्ष सुहृद घिमिरे र कप्तान जोसेफ नाथनले पुरस्कृत गरे ।
![](https://assets-cdn.ekantipur.com/uploads/source/ads/900-x-100-0172024023126.gif)